Pinaiimbestigahan na ni Justice Secretary Vitaliano Aguirre sa National Bureau of Investigation ang kaso ng pagpatay sa labimpitong taong gulang na kasambahay ng isang mayamang pamilya sa Ayala, Alabang.

Kasabay na binigyan ng otoridad ang NBI na magsampa ng kaso depende sa magiging resulta ng kanilang case build up.

Natagpuan sa isang estero sa Makati City noong January 14 ang pugot na ulo ng biktimang si Richelle Sagang na tubong Zamboanga del Norte; nakita naman ang katawan nito malapit sa isang slaughterhouse sa Sta. Maria, Bulacan.

Positibong kinilala ng ama nitong si Noel Sagang ang mga labi ng biktima.

Iniimbestigahan na ng mga pulis ang apat na suspek sa kaso na umano’y pawang mga miyembro ng mayayamang pamilya sa Ayala-Alabang.

(Roderic Mendoza / UNTV Correspondent)

Tags: Kaso ng ‘chop-chop’ victim na si Richelle Sagang, pinaiimbestigahan na ng DOJ sa NBI