Patuloy na nadadagdagan ang bilang ng mga biktima ng dengue sa lalawigan ng Bulacan kaya naman patuloy pa rin ang mahigpit na pagbabantay ng lokal na pamahalaan, lalo na sa mga lugar na pinakamataas ang kaso nito.
Sa pinakahuling tala ng Bulacan Provincial Epidemiology Surveillance Unit o PESU, mula nang isailalim sa state of calamity ang lalawigan noong September 30, 2015, umakyat na sa halos limampung porsyento ang itinaas ng kaso ng dengue sa lalawigan.
Mula sa 4,771 noong Oktubre ay umakyat ito sa 7,161 ang bilang ng mga nagkakasakit ng dengue sa lalawigan.
Halos limampung porsiyento ang itinaasa nito.
Umakyat na rin sa labingwalo ang nasawi dahil sa naturang sakit.
Ayon naman kay Dr.Jocelyn Joy Gomez, Public Health Officer ng Bulacan,patuloy ang kanilang mga ginagawang hakbang upang makontrol ang dengue virus.
Bawat barangay at bayan sa Bulacan ay may takdang araw para isagawa ang mist-blowing operations.
Samantala lahat naman ng public hospital ay kinakailangan sumunod sa pinatutupad na dengue expresslane, prayoridad nitong asikasuhin ang mga may sakit na posibleng tinamaan ng dengue virus.
Ayon kay Dr.Gomez, inaasahan nilang bumaba na ang kaso ng dengue ngayong buwan dahil maaring tinangay na umano ng mga pagbaha ang mga itlog ng dengue-carrying mosquitos.
Subalit posible rin umanong tumaas pa ito kung di naman nalilinis ang paligid.
Paalala ng lokal na pamahalaan, ugaliing panatilihin ang kalinisan ng paligid upang makaiiwas di lamang sa dengue kundi maging sa ibang pang karamdaman.(Nestor Torres/UNTV Correspondent)
METRO MANILA – Nakapagtala ang Pilipinas ng mahigit sa 72,000 kaso ng dengue sa bansa sa unang 6 na buwan ng taong 2023.
Batay sa datos ng Epidemiology Bureau ng Department of Health (DOH), mula Enero 1 hanggang Hunyo 17, 2023 lamang ay nasa 72,333 ang dengue cases na kanilang naitala sa bansa.
Ayon sa DOH, nasa 249 naman ang kumpirmadong nasawi dahil sa dengue.
Nabatid na pinakamarami pa ring dengue cases ang naitala sa National Capital Region (NCR).
Nagpaalala ang Department of Trade and Industry sa mga manufacturer, dealer at retailer na siguraduhing ang ibebenta at isusuplay nilang paputok at pailaw ay nakasunod sa safety standards.
Ayon kay Edna Dizon Provincial Director ng DTI Bulacan, dapat may tatak ng Philippine Standard o PS mark na makikita sa package ng produkto na nangangahulugan na pasado ito sa Philippine National Standard. Kung imported naman, kailangan may tatak ito ng Import Commodity Clearance.
Paalala ng DTI sa mga gumagawa at nagbebenta ng mga paputok at pailaw, magparehistro na .
“Sana i-consider na po natin magparehistro, kasi yung pagregister po natin, pagkuha ng mga lisensya yan po mage-ensure ng safety mga produkto natin,” an Edna Dizon, Provincial Director, DTI Bulacan.
Muli ring nagbabala ang DTI na kakasuhan nila ang mga iligal na magbebenta ng paputok at pailaw.
Payo pa ng ahensiya sa publiko, kung may dapat man bilhin ay ay ang mga locally made at hindi imported na mga paputok at pailaw.
Patuloy din ang ginagawang inspection ng DTI sa mga tindahan ng paputok habang papalapit ang holiday season.
Nestor Torres | UNTV News
Tags: Bulacan, DTI, FIRE CRACKERS
METRO MANILA – Mahigit 100% na, na mas mataas ang mga kaso ng dengue sa Pilipinas, mula January 1 – July 16 ngayong taon, kumpara sa kaparehong panahon noong nakaraang taon.
Sa tala ng Department of Health umabot na sa 40,096 ang dengue cases as of July 16, 2022. 106% na mas mataas kaysa noong 2021.
319 na ang mga namatay dahil sa nasabing sakit ngayong taon, na katumbas ng 0.4% ng kabuoang bilang ng mga 2022 dengue cases.
Ayon sa DOH, karamihan sa mga kaso ay naitala sa Central Luzon, sinundan ng Eastern Visayas, at National Capital Region (NCR).
Dahil dito patuloy ang panawagan ng kagawaran sa publiko na sundin ang 4S strategy kontra dengue.
Kabilang na rito ang Search and destroy o pagpuksa sa mga pinamumugaran ng lamok;
Seek early consultation o agarang pagpapakonsulta sa unang paglitaw pa lang ng sintomas ng dengue;
Self protection measures gaya ng pagsuot ng damit na may mahahabang manggas. At support spraying o fogging.
Tiniyak naman ng kagawaran, na may dengue fast lane ang mga ospital at klinika sa bansa para sa mabilis na pag-diagnose at pagtugon sa dengue cases.
