Nakabuti ang pagpasok ng tag-araw at epekto ng El Niño sa bansa sa pagbaba ng kaso ng newcastle disease.
Ngayong Abril ay nasa 4 pa lamang ang naitatalang kaso kumpara noong Marso na 19 at noong Pebrero naman na 35 kaso.
Mula noong Nobyembre ng nakaraang taon ay mahigit sa 700 libo na ang naapektuhan ng virus na karamihan ay mula sa mga alagang manok sa bakuran.
Ayon sa Bureau of Animal Industry, kayang patayin ng sinag ng araw at tindi ng init ang virus ng newcastle disease.
Kasalukuyang nararanasan ang epekto ng El Niño sa bansa kasabay ng tag-araw.
Nitong martes ay nailata ang 39.3’C sa General Santos City habang sa Science Garden sa Quezon City din ay naitala naman ang pinakamainit mula noong Enero na umabot sa 36.3’C.
Karamihan ng mga kaso ng newcastle diseaseay naitala sa Northern at Central Luzon.
Babala ng Bureau of Animal Industry, nakahahawa ang virus sa mga tao lalo na’t lumakas pa ang strain nito.
Maaaring itong maging sanhi ng conjunctivitis na ang sintomas ay pamumula ng mata.
Payo naman ng mga otoridad ang publiko na huwag nang kainin ang manok na tinamaan ng newcastle disease kundi ibaon na lamang sa lupa.
Hugasang mabuti ang kamay kung naihawak sa manok ng epektado ng sakit.
(Rey Pelayo/UNTV NEWS)
Tags: Bureau of Animal Industry, newcastle disease, poultry industry
MANILA, Philippines – Kinumpirma ng Bureau of Animal Industry (BAI) na may outbreak na ng African Swine Fever (ASF) sa ilang lugar sa Rizal at Bulacan, ito ay dahil hindi na normal ang dami ng namamatay na baboy sa mga lugar na apektado ng naturang sakit sa baboy.
“Basta na-confirm na ito’y tumaas, doon sa normally expected na nagkakasakit at normally na bilang ng namamatay outbreak na ‘yun. (kalian po masasabi nating nag-outbreak doon sa Rizal at ..) August po yun” ani BAI Director Dr. Ronnie Domingo.
Nakiusap naman ang ahensya sa publiko na huwag itago ang mga namamatay na baboy at iulat sa kanila sa halip na ipa-anod sa ilog dahil maaaring makahawa pa ito sa mga baboy sa ibang lugar.
Samantala sa Quezon City naman mismong si Mayor Joy Belmonte na ang nag-anunsyo na may ASF na rin sa lungsod partikular sa barangay bagong silangan.
Nagpositibo aniya sa naturang sakit ang 14 na baboy na kanilang sinuri pero hindi ito ang mga nakita nilang inanod sa isang creek noong nakaraang linggo.
Samantala, ayon kay Mayor Belmonte, ipinagbabawal sa Quezon City ang pag-aalaga ng baboy sa bakuran o ang backyard raising dahil wala namang agricultural land sa lungsod.
Ayon kay Director Ronnie Domingo, sumasailaim pa sa laboratory test ang kanilang mga kinuhang samples kasama na ang mga inanod sa creek at maging ang galing sa ilog sa marikina.
(Rey Pelayo | UNTV News)
MANILA, Philippines – Nagpaalala ang National Meat Inspection Service (NMIS) sa publiko na maging mapanuri sa mga bibilhing karne at tiyakin na dumaan ito sa tamang proseso.
Galing man sa malalaking farm o sa bakuran lang ang mga baboy ay pareho lang ang guidelines ng NMIS sa proseso ng pagkatay nito bago ibenta sa publiko. Kapag dinala na sa katayan ay hahanapan agad ito ng veterinary Health Certificate at Shipping Permit.
Susuriin ng beterenaryo sa slaughter house ang baboy kung nasa maayos na kundisyon bago at pagkatapos na katayin. Ayon sa NMIS, ang tatak nila sa stalls sa mga palengke at mismong sa mga karne ng baboy ang batayan para masabing ligtas kainin.
“Huwag po tayong bibili sa kung saan-saan lang kasi doon po ang nagiging problema. So meron pong by visual makikita po natin ang stalls pa lang dapat dini-display na ang NMIS certificate nila.” ani NMIS Executive Director Reildrin Morales.
Ipinagbabawal din ng NMIS ang pagkakatay lamang sa mga bakuran. Dapat anilang dalhin ang mga ito sa mga katayan ng bayan. Samantala, nangangailangan ang Bureau of Animal Industry (BAI) ng 46 na Livestock Inspector.
Ito’y bahagi na rin ng pagpapaigting ng ahensya upang mapigilan ang pagkalat ng African Swine Fever (ASF) sa bansa. Madedistino ang mga ito sa disease investigation, surveillance, animal checkpoints, quaranteen stations and documentation sa iba’t-ibang lugar.
(Rey Pelayo | UNTV News)
Tags: Bureau of Animal Industry, National Meat Inspection Service
MANILA, Philippines – Aprubado na ng Malacañang ang pagbuo ng National Taskforce on Swine Disease ayon kay Department of Agriculture (DA) Secretary William Dar.
Ito ang magsisilbing tagapagpatupad ng mga panuntunan upang mapigilan ang posibleng pagkalat ng mga sakit ng baboy tulad ng African Swine Fever (ASF).
Ayon kay Dar, posibleng magdagdag sila ng mga tauhan lalo na sa paglalagay ng mga checkpoint.
“Kung kailangan natin ng mga sundalo to add to the human resources of the PNP, kailangan po natin lahat” ani Agriculture Secretary William Dar.
Sa ngayon ay mas maraming supply ng baboy ang nanggagaling sa bakcyard o ang mga small-time hog raiser.
Batay sa datos ng Philippine Statistics Authority (PSA) noong July 2019, nasa 12.7 Million heads ang populasyon ng baboy sa bansa kung saan ang 8.02 Million dito ay backyard hogs.
Hihigpitan ng DA maging ang pagiikot ng mga tinatawag na “bulog” o breeder na baboy.
“It’s not a restrictive policy if we have to ask another veterinarian coming from government to come and inspect your breeder stocks bago ita-transport ito” aniAgriculture Secretary William Dar.
Samantala, may mga lokal na pamahalaan naman gaya sa Dinalupihan, Bataan na nagsasagawa ng pagpapaunawa sa mga hog raiser sa mga dapat nilang gawin para maiwasang maapektuhan ng ASF ang kanilang mga alaga.
Ayon sa Bureau of Animal Industry, wala pang bakunang nadidiskubre para lunasan ang ASF kaya’t kailangan na lalong seryosohin ito.
“Kung mabilis ang proseso maaaring sa loob ng 3-5 araw mamamatay yung baboy” ani kBureau of Animal Industry Director, Dr. Ronnie Domingo.
(Rey Pelayo | UNTV News)
