Bumaba ng 25 percent ang insidente ng nakawan sa Metro Manila sa ikalawang linggo ng Marso kumpara sa mga nakaraang linggo
Batay sa datos ng Philippine National Police Directorate for Investigation and Detective Management, umabot lamang sa 310 kaso ng robbery at theft ang kanilang naitala mula March 9 hanggang 15 mas mababa kumpara sa 405 na naitala noong March 2 hanggang 8.
Ipinahayag ni PNP Officer-in-Charge Deputy Director General Leonardo Espina na ang pagbaba ng kaso ay bunsod ng kanilang Oplan Lambat-Sibat anti-crime campaign na sinimulan ni Interior Secretary Mar Roxas.
Ang Manila Police District (MPD) ang nakapagtala ng pinakamataas na pagbaba ng insidente ng krimen kung saan mula sa 100 kaso noong Marso 2 ay bumaba ito ng walo hanggang 64 insidente nitong nakaraang linggo.
Ayon sa MPD, nagkaroon ng malaking pagbaba sa bilang ng krimen sa Ermita kung saan 13 kaso lamang ang naitala noong nakaraang linggo kumpara sa 23 insidente na naitala noong Marso 2 hanggang 8.
Pumangalawa naman ang Quezon City Police District (QCPD) kung saan nakapagtala lamang ng 138 inisdente ng krimen ngayong linggong ito.
Mula sa 793 insidente noong Hunyo 16, 2014 hanggang Enero 4, 2015, unti-unting bumaba ang mga ‘crimes against property’ bawat linggo na lumipas.
Tags: crime rate, Manila Police District, Mar Roxas, MPD, Oplan Lambat - Sibat, PNP, QCPD
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
