Kello alarm(Photo credit: kickstarter.com)
Nakatakadang ilabas sa March 2017 ang “Kello” alarm clock na magagamit hindi lang para magising ng maaga ang user kundi makatutulong rin na ma-improve ang sleep pattern nito.
Ayon sa mga developer, may ilang sleep programs ang alarm clock na makatutulong upang makatulog ng mas maaayos ang user.
Ilan sa mga halimbawa ng sleep programs ang “snooze less” na layong limitahan kung ilang beses maaaring mag-snooze ang user sa isang linggo; ang “wake up earlier” program na layong i-train ng paunti-unti ang user na gumising ng maaga hanggang maging habit na niya ito; at “fall asleep fast” program na layong mas mapadali ang pagtulog ng user.
Maa-access rin ng Kello ang mga music streaming app gaya ng Spotify, Deezer, Soundcloud at Tidal upang makapili ang user ng mga tracks na nais niyang marinig paggising niya sa umaga.
Maa-access ang sleep programs at iba pang serbisyo ng Kello sa pamamagitan ng accompanying app nito na ilalabas sa App Store at Google Play.
