May inaayos lamang na ilang papeles ang mga otoridad upang maibalik sa bansa si Kerwin Espinosa matapos itong maaresto sa Abu Dhabi.

Pero ngayon pa lang, pinag-aaralan na ng DOJ kung pwede itong gawing testigo laban kay Sen. Leila de Lima.

Kapwa sinampahan ng albuera police ng kaso sa Ombudsman sina De Lima at Espinosa dahil sa umano’y pagkakasangkot ng mga ito sa iligal na droga.

Malakas din ang hinala ng doj na may koneksyon sina De Lima at Espinosa.

Dati nang sinabi ni De Lima na posibleng kuha ang litrato noong panahon ng kampanya kung kailan wala umano siyang kontrol sa mga taong lumalapit sa kanya.

Ngunit ayon kay Aguirre, bahala na silang magpatunay na koneksyon ng dalawa na higit pa sa makikita sa litrato.

(Roderic Mendoza / UNTV Correspondent)

Tags: Kerwin Espinosa, posibleng gawing testigo, Sen. De Lima