Nakilala si Kuya Daniel Razon bilang Mr. Public Service dahil sa kaniyang mga naiibang konsepto at mga inobasyon na naglalayong makatulong sa kapwa.
Bukod sa pagiging exceptional na broadcaster, napagkalooban din si Kuya Daniel ng mga talento na nagagamit niya sa kaniyang mga serbisyo publiko.
At bilang bahagi ng pagdiriwang ng kanyang 34th Year in Service, muli nitong ibinahagi ang kaniyang gift of music sa pamamagitan ng “Beyond Music and Lyrics” concert for a cause sa Okada Manila kagabi. Hinarana ni Kuya Daniel ang kaniyang mga tagasuporta ng mga awit na nagpapaalala sa kanila ng kanilang mga nakaraan at mga bagay na mayroon sila na dapat ipagpasalamat sa Panginoon.
Ngunit higit sa musika, isang mas malalim na mensahe ang nais iparating ng kaniyang konsyerto. Present sa celebration ang WISHful 20 ng WISHcovery, R&B crooner Jason Dy at power belter na si Morisette. Full support din ang buong pamilya ni Kuya na naghandog ng isang special number.
Samantala, enjoy na enjoy naman ang mga manonood na nakibahagi sa pagdiriwang. Ang ilan sa mga ito ay bumiyahe pa ng ilang oras mula sa ibang mga bansa upang masaksihan ang intimate birthday concert.
Ang proceeds ng concert ay para sa mga hinaharap na public service projects ni Kuya Daniel.
( Leslie Longboen / UNTV Correspondent )
Tags: Beyond Music and Lyrics, concert for a cause, Kuya Daniel Razon
