Matapos ang halos 2 araw na paghahanap ay na-retrieve na kahapon ang katawan ng Filipina caregiver na si Melody de Castro.
Isa si Melody sa 10 naitalang nasawi makaraang gumuho ang ibabang bahagi ng kanilang tinitirahang gusali nang yanigin ng malakas na lindol ang Hualien County sa Taiwan.
Kahapon ay nakausap natin ang chairman ng MECO na si Angelito Banayo at sinabi niyang naipalam na nila sa mga kaanak ni Melody ang nangyari at inihahanda na ang lahat ng posibleng tulong na maibibigay sa mga naulila ni Melody.
Samantala, magbibigay din ng tulong ang pamahalaan ng Taiwan sa mga pamilya ng mga biktima.
800,000 NT o 1,300,000 pesos para sa mga namatayan ng kaanak at 250,000 NT o 400,000 pesos sa mga severely injured.
Isang Emergency Task Force naman ang inorganisa ng National Immigration Agency para tulungan ang mga foreign nationals na nawalan ng importanteng travel documents dahil sa lindol.
Ayon sa ahensya, walang bayad nilang ipagkakaloob ang serbisyong ito. Patuloy rin silang nakikipag-ugnayan sa lahat ng representative offfice sa Taiwan at sa mga travel agencies upang tulungan ang mga foreign national na naapektuhan ng trahedya.
7 pa ang nawawala kabilang na ang 5 Chinese Nationals at 1 mag-asawang Canadian. Kagabi ang huling araw ng itinalagang manual search & rescue sa 3 lugar na matinding napinsala ng lindol.
Simula ngayong araw ay gagamitan na nila ng malalaking makinarya upang i-clear na ang mga gusali at ma-recover pa ang mga biktima na naipit sa mga guho. Inaasahang matatapos ito ng mga rescuers bago pumasok ang mahabang holiday sa Taiwan na magsisimula sa February 15.
( Amiel Pascual / UNTV Correspondent )
METRO MANILA – Pinawi ng Philippine Institute of Volcanology and Seismology (PhiVolcs) ang pangambang gagalaw ang fault line ng Pilipinas kasunod ng malakas na lindol sa Taiwan.
Ayon sa PhiVolcs, hindi konektado sa mga faultline ng Pilipinas ang nangyaring lindol, at kung magkakaroon man ng lindol sa bansa ay hindi dahil sa 7.5 Taiwan quake.
Ayon kay Phivolcs Director Teresito Bacolcol, hindi rin mararamdaman ang pagyanig ng 7.4 magnitude na lindol ng Taiwan sa Northern Luzon.
Ang tanging maaaring maging banta lamang nito ay ang tsunami.
Tags: earthquake, PHIVOLCS, Taiwan
METRO MANILA – Natanggap na ni Manila Economic and Cultural Office (MECO) Chair Silvestre Bello III niong Miyerkules (August 10) ang $200,000 o tinatayang nasa P11-M suportang mula sa Taipei Economic and Cultural Office in the Philippines (TECO) para sa mga labis na naapektuhan ng magnitude 7 na lindol sa Abra nitong July 27.
Maliban sa tulong pinansyal, nagparating din ang TECO Representative na si Peiyung Hsu ng pakikiramay sa mga Pilipinong namatayan dahil sa lindol.
Pangunahin ang mga lugar sa Northern Luzon sa pinakanaapektuhan ng pagyanig kaya’t umaasa ang mga mamamayan ng Taiwan na sa pamamagitan ng kanilang ayuda ay makabawi ang kanilang mga matutulungan.
Samantala, ayon sa ulat ng National Disaster Risk Reduction and Management Council (NDRRMC), umabot na sa 11 indibidwal ang nasawi dahil sa lindol at 513,330 indibidwal ang naapektuhan, habang mahigit 15,000 pamilya ang nawalan ng tirahan sa mga rehiyon ng Ilocos, Cagayan at Cordillera.
(Marc Aubrey Gaad | La Verdad Correspondent)
Tags: cash assistance, Taiwan
METRO MANILA – Gumagawa na ng hakbang ang pamahalaan ng Taiwan upang kontrahin ang travel ban na pinataw sa kanila ng Pilipinas.
Ayon kay Manila Economic and Cultural Office in Taiwan Chairman Angelito Banayo pinulong na si Taiwan President Tsai Ing-Wen ang kanyang gabinete para ilista ang mga hakbang na posibleng gawin ng Taiwan laban sa travel ban ng Pilipinas.
At isa na umano sa posibleng gawin nito ay kanselahin ang visa-free entry nito sa mga Pilipino sa Taiwan, aniya na sumama ang loob ng Taiwan sa pagkakasama nila sa ban gayun kakaunti naman ang kaso ng Coronavirus sa Taiwan kumpara sa ibang bansang kalapit ng China.
“Una dahil parang lumalabas one-China policy ang dahilan dahil hindi isinama ang taiwan noong Feb 2 pagkatapos idinagdag na lang kayat nitong Feb 10 ang travel ban. At pangalawa kung ang dahilan ay laganap ang nCoV dito ay hindi totoo yun dahil 18 cases lang dito wala namang namamatay samantalang sa Singapore sa Vietnam sa Thailand sa Japan at sa Korea napakaraming kaso compared sa Pilipinas bakit yun hindi naman natin pinapatawan ng travel ban.” ani Manila Economic And Cultural Office In Taiwan Chairman Angelito Banayo.
Kaya mismong si MECO Chairman Angelito Banayo nanawagan natin sa pamahalaan na ikunsidera ang isyung ito.
Dahil kung tuluyang kakanselahin ng Taiwan ang visa free entry ng mga Pilipino inaasahang maapektuhan nito ang nasa halos 200 Pinoy.
Una nang sinabi ng malakanyang ibinatay nila sa rekomendasyon ng World Health Organization (WHO) ang pagsama sa Taiwan sa expanded travel ban.
Pero nilinaw naman ni WHO Country Representative Dr.Rabindra Abiyasinghe na hindi nila inirekomenda sa pamahalaan ng Pilipinas na isama ang Taiwan sa travel ban.
“Position has been no travel restrictions. Repatriation again is a political issue that is decided at a country level.” ani WHO Country Representative Dr. Rabindra Abeyasinghe .
(Joan Nano | UNTV News)
Tags: Taiwan, travel ban
