Photo credit: Meryll Lopez/UNTV Radio

(Update As of 4:00pm)Dinagsa ng mga aplikante ang Labor Day Job fair dito sa Philippine International Convention Center na inorganisa ng Department of Labor and Employment.

Sa ngayon, meron ng 1,393 male applicants at 1,346 female applicants ang dumating sa naturang job fair.

Samantala, ayon naman sa Department of Social Welfare and Development, merong 153 aplikante ang galing sa mga beneficiary ng Pantawid Pamilyang Pilipino Program o 4Ps ng pamahalaan.

Ayon sa DOLE, mayroong 76 locale employers at 24 overseas employers ang lumahok sa job fair.

Nasa 14,009 total job vacancies ang available dito sa Forum 1 at 2 ng PICC. Hanggang alas-4:00 ng hapon ang pagtanggap ng application at interview ng mga employer sa mga job applicant.

As of 4:00pm, Batay sa datos ng DOLE, nasa 2,873 ang na-hired on the spot nationwide, 28,527 ang referred for interview at 20,381 ang near hire for follow up.(Meryll Lopez/UNTV Radio)