Photo credit: apnews.com

Dahil walang pambili ng mamahaling sasakyan, ginamit ng isang lalake sa Gjilan, Kosovo ang kanyang talento upang bumuo ng replica ng isang Lamborghini.

Gumamit ang sports car enthusiast na si Driton Selmani ng secondhand Mitsubishi Eclipse, makina ng 3.0 liter Mitsubishi Galant at iba pang car parts upang matupad ang kanyang pangarap na magkaroon ng sariling Lamborghini.

Gumugol ng isang taon sa kanyang workshop si Selmani bago mabuo ang isang puting replica ng Lamborghini Reventon na may black at red stripe na sumisimbolo sa pambansang watawat ng Albania.

Ayon kay Selmani, nagustuhan ng kanyang mga kaibigan at pamilya ang replica at aniya’y agaw pansin ang sasakyan kapag inilalabas ito.

Tags: gumawa ng replica ng naturang sasakyan, Lalake sa Kosovo na walang pambili ng Lamborghini