Photo credit: odditycentral.com

Isang treinta’y kwatro anyos na lalake sa United Arab Emirates ang nakipag-hiwalay sa kanyang beinte-otso anyos na asawa matapos makita ito nang walang make-up.

Ayon sa psychologist na si Dr. Abdul Aziz Asaf na nilapitan ng babae matapos ang hiwalayan, anim na buwang engaged ang dalawa bago sila magpakasal.

Sa kuwento ng babae sa doktor, hindi nakilala ng lalake ang kanyang asawa nang mabura ang make-up nito nang nag-swimming sila sa Al Mamzar beach sa Sharjah, UAE.

Sinabi naman ng babae na plano nitong ipagtapat sa asawa na sumailalim siya sa cosmetic procedures at peke rin ang kanyang pilik-mata nguni’t bago makapagtapat ay nakita na ng kanyang asawa ang kanyang mukha nang walang make-up.

Sumasailalim ngayon sa counseling ang babae dahil sa psychological suffering dulot ng biglaang divorce.

Tags: dinivorce ang kanyang asawa, Lalake sa UAE, matapos itong makita nang walang make-up