Agad na binawian ng buhay nang dalhin sa ospital ang isang lalaki matapos saksakin ng kapitbahay na nakainuman nito sa Brgy Sumilang Pasig kagabi.

Kinilala ang biktima na si Mark Steven de Silva, 38-anyos.

Agad naman nahuli ang suspek na kinilalang si Ariel Gragas nang rumisponde ang mga tauhan ng barangay sa pinagyarihan ng krimen.

Sa imbistigasyon, nag-iinuman ang suspek kasama ang tatlo pang kasamahan nito sa katabing bahay na tinutuluyan ng biktima.

Nang dumating ang biktima mula sa trabaho ay tinagayan pa ito ng suspek.

Pagkatapos maginuman, nang makauwi na ang biktima ay sinundan ito ng suspek sa mismong loob ng bahay nito saka sinaksak sa kaliwang dibdib sa harapan pa mismo ng kaniyang siyam na taong gulang na anak.

Wala naman makitang motibo ang mga otoridad sa pananaksak ng suspek na lango sa alak.

Narekober sa suspek ang ginamit nitong patalim sa pananaksak.

Napag-alamang miembro ng sputnik gang ang suspek na dati na ring nakulong dahil sa kasong robbery.

Kasalukuyan ngayon nakaditine ang suspek sa Pasig Police Station at posibleng maharap sa kasong murder.

(Jerico Albano/UNTV Radio)

Tags: Brgy Sumilang Pasig