Wala ng buhay nang matagpuan ng mga otoridad ang katawan ng bente dos anyos na si Jaypee Nillusgin matapos ang nangyaring sunog sa Don Carlos Street, Brgy. Holy Spirit sa Quezon City kagabi.
Sa inisyal na imbestigasyon ng Bureau of Fire Protection, maaaring na-trap sa loob ng bahay ang lalaki lalo’t napag-alaman mula sa asawa nito na lasing ang biktima nang sumiklab ang apoy.
Mabilis itong kumalat sa mga katabing bahay na gawa lamang sa light materials.
Labindalawang pamilya ang kabuuang naapektuhan ng sunog na umabot sa ikalawang alarma.
(Macky Libradilla / UNTV Correspondent)
