Tinulungan ng UNTV News and Rescue ang isang lalaking nagtamo ng maraming gasgas sa iba’t ibang bahagi ng katawan matapos ma-aksidente sakay ng minamaneho nitong motor kagabi.

Kinilala ang biktima na si Christian Soriano, 22 anyos, ng Brgy. San Agustin, Pili, Camarines Sur.

Batay sa salaysay ng biktima, papauwi na sya sa kanilang bahay galing trabaho nang may tumawid na aso sa kalsada at nabangga niya ito.

Bunsod ng pagka-bangga kaya’t nasira ang balance ng binata at sumadsad ito sa semento.

Agad na nilapatan ng paunang lunas ng News and Rescue ang mga tinamong sugat ni Soriano.

Tumanggi na ang binata na madala sa ospital.

(Allan Manansala / UNTV Correspondent)