MANILA, Philippines – Isinasagawa sa Metro Manila at maging sa ibang lugar sa bansa ang kabi-kabilang earthquake drill. Isa sa pinaghahandaan ay ang tinatawag na “The Big One” kung saan kapag gumalaw ang nasa 100 kilometrong west valley fault na dumadaan sa Bulacan, ilang bahagi ng Metro Manila hanggang sa Laguna ay maaaring lumikha ng 7.2 magnitude na lindol.
“Tandaan, hindi lang sa greater Metro Manila maaaring magkaroon ng The Big One. Posible ring mangyari ito sa ibang bahagi ng Pilipinas dahil sa mga active faults at trenches na makapagdudulot ng malakas na lindol” ani PHIVOLCS \ DOST OIC Undersecretary Renato Solidum.
Naitala ang magnitude 6.6 na lindol sa Tulunan, North Cotabato nitong October 29 at sinundan din ng malalakas pang mga aftershock. Kahapon (October 31) ay niyanig nman ng magnitude 6.5 earth quaker ang lugar.
“Tinatawag po namin siyang series of events kasi tuloy-tuloy yung paggalaw niya doon dahil sa marami siyang sources na pwedeng panggalingan” ani PHIVOLCS Science Research Specialist Mylene Enriquez.
Samantala, nasa 5-aktibong fault ang maaaring panggalingan ng malakas na lindol sa lugar. Ito ay ang M’lang fault, makilala-malungon fault, ang North at South Columbio fault at ang Cotabato-Sindangan fault.
“Kasi interrelated yung mga faults doon ibig sabihin magkakalapit sila so kung may gumalaw na isa posibleng maapektuhan yung isa pang katabi niyang system or fault” ani PHIVOLCS Science Research Specialist Mylene Enriquez.
Ayon sa PHIVOLCS, posible iyong panggalingan ng sinlakas o mas malakas pang lindol kumpara sa tinatayang ilalabas ng west valley fault. Noong 1924 ay hindi bababa sa apat na lindol ang naitala sa Cotabato na may lakas na mula magnitude 5 hanggang 7.5.Pero ayon sa PHIVOLCS nagkakaiba ang epekto ng lindol gaya sa Metro Manila na mas marami ang gusali at mga residente lalo na sa araw.
(Rey Pelayo | UNTV News)
Tags: earthquake, Earthquake Drill
METRO MANILA – Pinawi ng Philippine Institute of Volcanology and Seismology (PhiVolcs) ang pangambang gagalaw ang fault line ng Pilipinas kasunod ng malakas na lindol sa Taiwan.
Ayon sa PhiVolcs, hindi konektado sa mga faultline ng Pilipinas ang nangyaring lindol, at kung magkakaroon man ng lindol sa bansa ay hindi dahil sa 7.5 Taiwan quake.
Ayon kay Phivolcs Director Teresito Bacolcol, hindi rin mararamdaman ang pagyanig ng 7.4 magnitude na lindol ng Taiwan sa Northern Luzon.
Ang tanging maaaring maging banta lamang nito ay ang tsunami.
Tags: earthquake, PHIVOLCS, Taiwan
METRO MANILA – Walang naiulat na nasaktan o nasawi sa magnitude 6.8 lindol, na tumama sa Morocco nitong Biyernes September 8.
Sa isang panayam, sinabi ni Department of Migrant Workers Officer in Charge Hans Leo Cacdac, na wala pa silang natatanggap na report ng mga Pilipinong nasaktan sa nangyaring lindol doon.
Gayunman patuloy anila silang naka-monitor sa sitwasyon.
Pinayuhan naman ng Philippine Embassy sa Morocco ang mga Pilipino na manatiling kalmado, pero maging alerto sa mga posibleng epekto ng nangyaring lindol sa naturang bansa.
Umabot na sa mahigit 2,000 ang nasawi sa bansa dahil sa malakas ng pagyanig.
Tags: DMW, earthquake, Morocco
METRO MANILA – Umakyat na sa 2,509 na indibidwal ang nasawi sa magnitude 7.8 na lindol na tumama sa Turkey at Syria.
Sa nasabing bilang 1,541 dito ay mula sa Turkey. Ayon kay Turkey Vice President Fuat Oktay mayroong 9,733 katao ang sugatan.
Sa Syria naman ay nasa 968 ang nasawi kung saan 538 ay mula sa government-controlled areas habang 430 naman ay mula sa opposition-controlled areas.
Inaasahan ng mga otoridad na madagdagan pa ang bilang ng mga nasawi dahil patuloy ang ginagawa nilang paghahanap sa mga lugar kung saan gumuho ang maraming mga gusali.
Samantala sa isang tweet, sinabi ni Pangulong Ferdinand Marcos Jr. na nakahanda ang Pilipinas na magpaabot ang anomang tulong sa Turkey at Syria.
Sa ngayon ay patuloy na nakikipagugnayan ang Department of Foreign Affairs sa Filipino communities upang malaman kung may mga Pinoy na naapektuhan ng malakas na lindol sa 2 bansa.
Tags: earthquake, Syria, Turkey
