Listahan ng mga kandidato sa 2019 elections, ilalabas na ng Comelec sa ika-15 ng Disyembre

by Radyo La Verdad | December 12, 2018 (Wednesday) | 9341

Tapos na ng Commission on Elections (Comelec) ang pagsala sa mga kandidatong naghain ng kandidatura para sa 2019 midterm elections.

Sinabi ni Comelec Spokesperson Director James Jimenez sa programang Get it Straight with Daniel Razon na sa Sabado, ika-15 ng Disyembre ay isasa-publiko na nila ang listahan ng mga kandidatong pumasa sa requirements. Malinis na aniya ito sa mga tinatawag na “nuisance” candidate subalit may 5-10 araw ang mga hindi nakasama sa listahan na umapela.

Ayon kay Jimenez, maituturing na nuisance ang isang nag-file ng kandidatura kung hindi seryoso o gusto lamang nitong gawing katatawanan ang paghahain ng certificate of candidacy (COC).

Nuisance ding maituturing ang kawalan ng kakayahang mangampanya lalo na’t wala naman itong maipakitang network o mga koneksyon para masustinehan ang kanyang kadidatura.

Sa Enero na magsisimula ang pag-iimprenta ng mga balota at kung may maisasama man sa listahan na madi-disqualify ay otomatikong mawawalan ng saysay ang makukuha nitong boto.

Aminado naman ng Comelec na walang pangil ang kasalukuyang batas laban sa premature o maagang pangangampanya. Matagal nang umaapela sa Kongreso ang poll body na bumalangkas ng batas laban sa premature campaigning.

Sa ngayon ay may nakahain ng panukalang batas sa Senado kung saan nakasaad na maituturing ng kandidato ang isang indibidwal kapag naghain ng COC.

Samantala, iginiit naman ng Comelec na mas malinis ang automated election system kung ikukumpara sa mano-manong halalan.

Paliwanag ni Jimenez, mismong ang mga dati umanong kumukwestyon sa integridad ng automated elections ay tumatakbo narin sa halalan at patunay aniya ito na may tiwala sila sa automated polls.

 

( Rey Pelayo / UNTV Correspondent )

Tags: , ,

110K ACMs para sa 2025 mid-term election, handa ng ideliver ng Miru – COMELEC

by Radyo La Verdad | June 13, 2024 (Thursday) | 274945

METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.

Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.

Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.

Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.

Tags: ,

80% na overseas voter turnout, target ng Comelec sa internet voting

by Radyo La Verdad | April 12, 2024 (Friday) | 272673

METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.

Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.

Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.

Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.

Tags: ,

Overseas Filipino, pinaalalahanan na magparehistro para sa 2025 election

by Radyo La Verdad | April 2, 2024 (Tuesday) | 349166

METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.

Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.

Maaari rin na magparehistro ang mga pinoy na nasa ibang bansa sa araw ng national election.

Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.

Tags: , ,

More News