Kapos na sa panahon ang kasalukuyang Kongreso para pagtibayin panukalang pagbaba sa income tax rate kaya’t tuluyan na itong isinuko ni House Speaker Feliciano Belmonte Jr.
Bukod sa wala nang panahon, mahirap din aniyang isulong ang Lower Income Tax Rate Bill maliban na lamang kung todo-suporta rito si Pangulong Noynoy Aquino na tumawag sa naturang panukalang-batas na ‘pogi bill’.
Ayon kay Belmonte, mas makabubuting ipaubaya na lamang sa 17th Congress ang naturang panukala at ituon na lamang ng Kamara ang atensyon sa iba pang mga nakabinbing panukalang-batas.
Ang author ng Lower Income Tax Rate bill sa Kamara ay si Marikina Rep. Miro Quimbo habang si Senador Sonny Angara naman sa Senado.
