Humingi ng paumanhin sa mga mananakay ang pamunuan ng Light Rail Transit Authority (LRTA) dahil sa mainit na temperatura na nararasan ngayon bunsod ng pagkasira ng kanilang mga air conditioning unit.
Sa pahayag, sinabi ng public transport operator na halos labing limang taon na ang mga air-conditioning unit sa kanilang mga tren kaya nangangangailan na ito sumailalim sa “systematic replacement”.
Nagsasagawa na umano ang kumpanya ng kaukulang aksyon ngunit nangangailangan pa rin sila ng sapat na panahon para sa pang matagalang solusyon.
METRO MANILA – Inihayag ng Light Rail Transit Authority (LRTA) na mayroong nakabinbing petisyon ang Light Rail Manila Corporation (LRMC) para sa taas pasahe sa LRT line 1.
Batay sa fare hike petition, nasa P5 na boarding fare ang hinihiling ng LRMC.
Habang nasa P1.50 naman ang sa kada susunod na kilometro ng biyahe.
Sa kabila nito, tiniyak ngayon ng LRTA na wala pang plano ang pamahalaan na itaas-singil sa pasahe sa LRT 1 at LRT 2.
Ayon kay LRTA Administrator Attorney Hernando Cabrera mahaba pa ang magiging proseso bago desisyunan kung papayagan ang dagdag-singil sa mga tren.
Taong 2015 pa nang huling magpatupad ng fare adjustment ang LRT 1 at 2
Ikinokonsidera ng LRTA na masyado nang mabigat sa mga mananakay kung magtataas sila ng pamasahe lalo pa ngayon na masyadong mataas ang inflation.
Sakaling maaprubahan, magagamit ang dagdag pasahe para sa upgrage at rehabilitasyon ng railway system
Pero kung hindi naman, patuloy pa rin ang magiging subsidiya ng gobyerno para maipagpatuloy ang operasyon ng LRT.
(JP Nunez | UNTV News)
MANILA, Philippines – Mula sa kasalukuyang 5 tren na tumatakbo sa linya ng LRT-2, tinitignan ng mga technician ng Light Rail Transit Authority (LRTA) kung maari nang itaas sa 6 na train set ang bibiyahe matapos na buksan ang partial operations nito noong Martes (October 8).
Bukod dito pinag-aaralan rin kung kakayanin nang ibalik ang dating oras na pagbubukas ng operasyon ng LRT-2 . Sa ngayon alas-6 ng umaga nagsisimula ang unang biyahe ng LRT-2 upang bigyan ng daan ang mas mahabang oras sa pagmimintina sa mga tren, riles, signalling system at power supply nito.
“Kumbaga pina-familiarize muna yung sarili namin, kapag gamay na namin then we will look into one magdagdag ng isa pang tren and then magbukas na tayo ng mas maaga which is 5am” ani LRTA Spokesperson, Atty. Hernando Cabrera.
Nauna nang ipinaliwanag ni LRTA Spokesperson Attorney Hernando Cabrera na kinakailangan nilang limitahan ang tumatakbong tren upang hindi magkaproblema sa power supply na posibleng magresulta sa panibagong aberya.
Samantala, bagaman walang sira sa Anonas Station, ipinaliwanag ni Attorney Cabrera na sa ngayon ay hindi pa rin ito magagamit dahil hindi pa kayang makaabot ng mga tren sa depot sa Santolan dahil wala pa ring kuryente.
Ipinakita kanina ng LRTA ang mga larawan ng nasunog na Rectifier na siyang nagsu-supply ng kuryente sa linya ng LRT-2.Ayon kay Atty.Cabrera, 3 at hindi 2 lamang na Rectifier ang nasunog.
Sa emergency meeting Kahapon (October 10) ng House Committee on Transportation lumabas na tinamaan umano ng kidlat ang mga power Rectifier kaya’t sumabog ang mga ito ayon sa LRTA.
Samantala, taliwas sa naunang pahayag ayon sa LRTA posibleng hindi na abutin ng 9 na buwan bago maibalik ang full operations ng LRT-2.
(Joan Nano | Untv News)
MANILA, Philipppines – Humingi ng paumanhin at pang unawa sa mga pasahero ang Light Rail Transit Authority (LRTA), dahil wala pa ring biyahe ang LRT-2 ngayong araw (Oct. 7).
Ayon sa lRTA hindi pa nila natapos ang test run at safety checks sa telecommunication system sa linya ng tren kaya’t hindi pa rin ito makakabiyahe.
Sa isang pahayag sinabi ni LRTA General Administrator Reynaldo Berroya, na bagaman ginawa nila ang lahat upang maiayos ang buong sistema. Ipinaliwanag nito na kumplikado ang problema kaya’t hindi pa nila nakumpleto ang pagsusuri sa buong linya ng tren.
Binigyaang diin rin ng LRTA na hindi nila maaring ikompromiso ang kaligtasan ng mga mananakay at hiniling na unawain muna ang sitwasyon sa ngayon.
Bilang ayuda sa mga apektadong pasahero, bus at modernong jeep naman ang bibiyahe mula Santolan Station hanggang Cubao mula alas-5 hanggang alas-10:30 ng umaga.
Nagkakahalaga ang pamasahe ng P12 – P15. Dagdag pa rito ang libreng sakay na handog naman ng MMDA mula alas-7 ng umaga hanggang ala-7 ng gabi. Nauna nang sinabi ng LRTA na posibleng pang abutin ng 9 na buwan bago muling mabuksan ang Santolan,Katipunan at Anonas Stations.
Ito’y dahil kinakailangan pa na magimport ng ilang piyesa mula sa United Kingdom upang maiayos ang nasira sa linya bunsod ng pagsabog ng transformer nito noong nakaraang Linggo.
Sa ngayon ay hindi pa masabi ng LRTA kung kailan tiyak na maibabalik ang partial operations ng LRT-2.
(Joan Nano | UNTV News)
