Tila lango  pa sa iligal na droga nang madakip ng mga pulis ang mga suspected pusher na sina Mary Jane Tamarra, 39 anyos at Raul Lopez 40 anyos sa  buybust operation sa Zambales street, barangay San Martin De Pores , Quezon City pasado alas dies kagabi.

Nagsagawa ng buy bust operation ang  PDEA at Drug Enforcement Unit ng QCPD Station 7  dahil sa sumbong ng ilang residente sa barangay.

Ayon pa sa hepe QCPD Station 7, nakulong na si Tamarra, miyembro ng Bahala na gang ng anim na taon  dahil sa iligal na droga. Aminado naman si Tamarra na nagbebenta siya ng iligal na droga para may maipang-tustos sa pag-aaral ng apat niyang anak.

Nakumpiska sa kanila ang labingtatlong maliit na pakete hinhinalang shabu, buy bust money at cellphone na gamit nila sa mga transaksyon.

(Reynante Ponte / UNTV Correspondent)

Tags: Quezon City, tulak ng droga