Ipinost sa social media ng biktimang si Chrissy Marie ng Washington ang isang nakakabagbag damdaming sulat na iniwan ng isang magnanakaw matapos nitong nakawin ang kaniyang wind chimes.

Nakita ni Chrissy ang nasabing sulat sa harapan ng kaniyang pinto kinaumagahan. Ang sulat ay may kasamang $5 at nagsasabing, “I am sorry that we stole your wind chimes our mom died and like butterflies so my sister took it and put it by our window. I am sorry this is only money I have, please do not be mad – Jake.”

Ayon kay Chrissy, alam niya ang pakiramdam ng mawalan ng magulang dahil noong siya ay limang taong gulang pa lamang nang namatay ang kaniyang ina, namatay na rin ang kaniyang ama anim na taon na ang nakalipas.

Nais niyang makita ang lalaking nag-iwan ng sulat, hindi niya ito paparusahan kundi nais niyang bigyan ng regalo.

Umani naman ng papuri mula sa mga netizen ang post ni Chrissy at maging sila ay gusto ring tumulong kay Jake.

Tags: magnanakaw, windchimes