Niyanig ng magnitude 3 na lindol ang Occidental Mindoro kaninang 12:18 ng madaling araw.
Ayon sa Philippine Institute of Volcanology and Seismology o PHILVOCS, naitala ang sentro ng pagyanig sa layong 33 kilometro sa bayan ng Paluan.
Tectonic in origin ang lindol at may lalim na 22 kilometro.
Wala naman naitalang pinsala dulot ng pagyanig.
(UNTV RADIO)
Tags: Occidental Mindoro
Hindi pa makapaghanap-buhay ang mga magsasaka sa kanilang mga bukid sa Occidental Mindoro bunsod ng makapal na putik na iniwan ng pagbaha noong mga nakaraang araw.
Hindi rin makapaghanap-buhay pa ang maraming mga residente sa bayan ng Mamburao na labis na naapektuhan ng pagbaha dahil abala sila sa pag-aayos at pagkukumpuni ng kanilang mga tahanan.
Ang iba sa mga residente, dumadaing na rin dahil wala pa anila silang natatanggap na ayuda mula sa pamahalaang panlalawigan.
Ayon sa Provincial Disaster Risk Reduction and Management Office (PDRRMO), 10,000 mga residente ang apektado ng pagbaha sa probinsiya na kailangang bigyan ng ayuda.
Ngunit sinisimulan na umano nila ang pagbibigay ng mga relief goods sa probinsiya.
Sa tala ng Provincial Disaster Risk Reduction and Management Office (PDRRMO), mahigit tatlumpu’t dalawang milyong piso ang nasirang pananim sa probinsiya.
Sa ngayon tanging sa bayan na lang ng Mamburao mayroong mga evacuees na nanatili sa evacuation center na binubuo ng walumpung indibidwal.
( Sherwin Culubong / UNTV Correspondent )
Tags: Occidental Mindoro, pagbaha, PDRRMO
Matapos humupa ang baha sa malaking bahagi ng lugar sa Occidental Mindoro dahil sa ilang araw na walang tigil na pag-ulan dulot ng nagdaang Bagyong Josie at habagat, nadadaanan na ang mga National Road via Abra de Ilog at Bulalacao patungo sa bayan ng Sablayan at San Jose.
Umabot sa hanggang bewang ang baha dito noong mga nakaraang araw.
Karamihan sa mga nagsilikas ay nagsiuwian na sa kanilang mga bahay.
Sa tala ng Provincial Disaster Risk Reduction and Management Office, nasa 32.5 milyon ang halaga ng mga nasirang pananim at labing isang milyong piso naman ang napinsala sa tulay at mga kalsada.
Tiniyak naman ng provincial government ang ayuda sa ating mga kababayan na naapektuhan ng labis na pagbaha.
Tags: Bagyong Josie, habagat, Occidental Mindoro
Umabot na sa mahigit apat na milyong piso ang pinsala ng nararanasang sama ng panahon sa Pilipinas.
Batay sa ulat ng National Disaster Risk Reduction ang Management Council (NDRRMC), 4.44 milyong piso na ang naitalang cost of damage sa agrikultura at ito ay sa Occidental Mindoro pa lamang.
Patuloy pa ring kumakalap ng impormasyon ang ahensya sa iba pang lugar na apektado ng ilang araw na pag-ulan dulot ng pagdaan ng Bagyong Henry at Inday na nagpalakas rin sa habagat.
Tags: habagat, NDRRMC, Occidental Mindoro
