Nasa 1,291 pulis ang na promote ngayong araw kasabay ng flag raising ceremony sa Camp Crame.

Ayon kay PNP Directorate for Personnel Records and Management P/Dir. Dominador Aquino Jr., nasa 226 ang police commissioned officer o mula sa ranggong police inspector hanggang police superintendent.

Habang 1,065 naman ang nasa hanay ng mga police non commissioned officer o mula sa ranggong police officer 2 hanggang senior police officer 4.

Ang nasabing bilang ay bahagi ng kabuuang 14,462 na napromote na pulis sa buong bansa.

Bilin ni PNP Chief P/Dir. Gen. Ricardo Marquez sa mga na promote na pulis, ang dagdag ranggo ay nangangahulugan ng dagdag responsibilidad upang gawin ng maayos ang kanilang trabaho bilang lingkod sa bayan para sa pagkakaroon ng ligtas na sambayanan.(Lea Ylagan/UNTV Correspondent)