Malacanang, kuntento sa pasimula ng pagmamando ng PNP HPG sa trapiko sa EDSA

by Radyo La Verdad | September 7, 2015 (Monday) | 937

File photo

Naging maayos ang pagmamando ng PNP Highway Patrol Group o HPG sa unang kalahating araw na pagpapasimula ng kanilang tungkulin sa EDSA ayon sa Malacanang.

Ayon kay Presidential Communications Secretary Herminio Coloma Jr., maraming motorista ang nakapansin sa pagluwag ng daloy ng trapiko sa EDSA Balintawak kaninang umaga.

Ito ay bunsod na rin aniya ng ginawang clearing operation ng mmda noong nakaraang linggo.

Ayon kay Coloma, ang pagsikip naman ng daloy ng trapiko sa bahagi ng Santolan ay dahil sa sumisikip na espasyo sa EDSA ayon kay Traffic Czar Rene Almendras.

Dagdag pa ni Coloma, patuloy pa rin ang fine tuning ng implementasyon ng traffic management sa EDSA.

Nanawagan naman ang Malacanang sa mga motorista na magbigay lamang ng kanilang feedback sa isinasagawang pagmamando ng HPG sa trapiko sa EDSA para lalo pa umanong mapahusay ang pangangasiwa ng naturang mga pulis.(Jerico Albano/UNTV Radio Correspondent)