Nagpaabot ng pagbati ang Malacañang kay Bb. Pilipinas Pia Alonza Wurtzbach matapos itong tanghaling Ms. Universe sa Las Vegas Nevada USA.

Ayon kay Presidential Communications Secretary Herminio Coloma Jr., ang naturang tagumpay ay ikinararangal ng bansa.

Ang ipinakitang galing ni Wurtzbach ay sagisag aniya ng katalinuhan at kahusayan ng mga Pilipino na aniya’y kinikilala rin sa maraming larangan sa buong mundo.

Si Wurtzbach ang tinanghal na Ms. Universe habang 1st runner up si Ariadna Gutierrez Arevalo ng Columbia at 2nd runner up naman si Olivia Jordan ng Amerika.

(Jerico Albano / UNTV Radio Reporter)

Tags: Malacañang, Ms. Universe Wurtzbach, pagbati