Malacañang, nanawagan na patuloy pagkatiwalaan si Pangulong Duterte

by Jeck Deocampo | January 21, 2019 (Monday) | 37905

METRO MANILA, Philippines – Umaasa ang 48 porsyento ng mga Pilipino na matutupad ni Pangulong Rodrigo Duterte ang mga ipinangako nito sa bayan mula nang maupo ito sa pwesto.

Batay ito sa survey result na ginawa ng Social Weather Stations (SWS) mula ika-16 hanggang 19 Disyembre ng nakaraang taon sa pamamagitan ng 1,440 respondents sa buong bansa.

Ibig sabihin, tinatayang nasa lima sa bawat sampung Pilipino ang umaasang maisasakatuparan ang lahat o karamihan sa mga pangako ng Punong Ehekutibo. 13 porsyento sa mga ito ang nagsasabing lahat o halos lahat ng pangako ay matutupad. Samantalang 35 porsyento ang naniniwalang karamihan ng campaign promises ay maisasakatuparan.

46 percent naman ang sumagot na ilan lang sa mga pangako ang matutupad samantalang anim na porsyento ang nagsabing halos wala o walang matutupad si Pangulong Duterte.

Nagpasalamat naman si Presidential Spokesperson Salvador Panelo sa patuloy na pagtitiwala ng sambayanan na kayang gawin ni Pangulong Duterte ang tunay na pagbabago sa bansa.

Sa isang pahayag, sinabi ng Malacañang na ang resulta ng survey ay dahil sa maigting ng kampanya ng pamahalaan kontra iligal na droga at kriminalidad.

Nanawagan din ang Duterte administration sa publiko na patuloy na magtiwala sa Pangulo sa natitirang termino nito. Aniya, seryoso ang pamahalaan na maisakatuparan ang pagkakaroon ng komportable at ligtas sa krimen na pamumuhay para sa mga Pilipino.

(Rosalie Coz | UNTV News)

Tags: , , , , , ,

Pangulong Duterte, binigyang-diing di siya mapipigilang buksan ang usapin hinggil sa Arbitral Ruling sa pagbisita sa China

by Erika Endraca | August 22, 2019 (Thursday) | 306

MANILA, Philippines – Iginiit ni Pangulong Rodrigo Duterte ang dahilan ng muling pagbisita sa China sa susunod na Linggo sa kaniyang unang talumpati sa publiko matapos ang mahigit 1 Linggong walang public engagement.

Aniya, walang makapipigil sa kaniyang isulong ang arbitral ruling na pumapabor sa Pilipinas laban sa China kaugnay ng pinagtatalunang teritoryo sa West Philippine Sea sa nakatakdang pakikipagpulong kay Chinese President Xi Jinping.

Ginawa ng punong ehekutibo ang pahayag nang pangunahan ang paglulunsad ng 7.5 megawatt peak solar power project sa munisipalidad ng Odiongan, Tablas Island sa Romblon Kagabi (August 21).

“You just cannot talk air. At sabi nila hindi pag-usapan. Sabi ko, no. If I’m not allowed as a president of a sovereign nation to talk whatever I want to talk about, then let us not rather talk altogether. So whether you like it or not, will it make you happy or not, angry or otherwise, I’m sorry. But we have to talk the arbitral ruling then what we get if there is a start in the exploration and in the extraction of whatever worth there is in the bowels of the earth.” ani President Rodrigo Duterte.

Bukod sa Arbitral Ruling, isusulong ng punong ehekutibo ang pagkakaroon ng code of conduct. Gayundin ang proposal na magkaroon ng joint oil exploration ang Pilipinas at China sa West Philippine Sea kung saan ang Pilipinas ang dapat na mas makinabang.

“Any other adventures or expeditions in the marine oceans of our exclusive zones, economic zones will have a direct bearing on that arbitral ruling. Hindi ako papayag na ano, ty ‘yan.” ani President Rodrigo Duterte.

Nakatakda ang pagbisita ng pangulo sa China sa August 28 hanggang September 3. Samantala, muling nagbabala si pangulong duterte sa mga western countries na wag gawing basurahan ang pilipinas.

Matatandaang naibalik na sa Canada ang tone-toneladang basurang iligal na napadpad sa pilipinas ilang taon na ang nakakalipas matapos na magbanta si Pangulong Duterte.

“And I’d like to say to the western countries, do not make us a garbage dump. You know, you might be more powerful, more and more developed and rich. But your wealth does not translate into something like making other nations ‘yung sa bisaya ‘yung daog-daog. Api-api.” ani President Rodrigo Duterte.

(Rosalie Coz | UNTV News)

Tags: , , ,

Pang. Duterte, muling iginiit ang pagiging tiwali ng STL at Peryahan ng Bayan ng PCSO

by Erika Endraca | August 6, 2019 (Tuesday) | 4862

MANILA, Philippines – Tila wala pang balak bawiin ni Pangulong Rodrigo Duterte ang direktiba nito na suspensyon sa operasyon ng Small Town Lottery (STL) at Peryahan ng Bayan ng Philippine Charity Sweepstakes Office (PCSO).

Una nang binawi ng punong ehekutibo ang suspension sa lotto matapos mapatunayan sa imbestigasyong walang katiwalian sa operasyon nito.

Subalit ang STL at ang Peryahan ng Bayan, ayon sa punong ehekutibo, ninanakaw ang dapat na remittance sa gobyerno.

“Tapos itong lotto. Okay, sinabi ko tinignan ko, “okay you can resume with that.” Stl, peryahan ng bayan. P***** puro nakaw. Ang i-remit nila minus ‘yung kinukunan na nila. So I had to stop it.” ani Pangulong Rodrigo Duterte.

Ayon sa Department of Justice (DOJ), posibleng abutin ng 6 na buwan ang pagsisiyasat ng National Bureau of Investigation (NBI) sa talamak na katiwalian sa PCSO.

Nagsasagawa na rin ng life-style check ang Presidential Anti-Corruption Commission (PACC) sa lahat ng PCSO executives.

Samantala, sa usapin naman ng peace and order, umaasa ang punong ehekutibo na maliliwanagan si Moro National Liberation Front (MNLF) Founding Chair Nur Misuari at gagayahin nito ang Moro Islamic Liberation Front (MILF) sa pagtanggap ng alok ng pamahalaan.

Muli ring nagbabala ang pangulo kaugnay ng pinangangambahan nitong tuluyang makapasok sa bansa ang impluwensya ng teroristang isis.

“Ang tinatakutan ko ‘yung just like Iraq, Syria na maraming inosenteng taong nadadale. Talagang ako’y nagdarasal, I’m praying, I really pray, talagang lumuluhod ako sa Diyos na to spare us the kind of brutality and cruelty in our country because it will really be bloody, bloody as it can ever be.” ani Pangulong Rodrigo Duterte.

(Rosalie Coz | Untv News)

Tags: ,

Paglaban sa katiwalian at iligal na droga, West Philippine sea issue, at mga prayoridad na panukalang batas, ilan sa mga highlight ng Ika-4 na SONA ni Pangulong Duterte

by Erika Endraca | July 23, 2019 (Tuesday) | 1280

House of Representatives, Philippines – Pasado alas-5 na ng hapon dumating sa Batasang Pambansa si Pangulong Rodrigo Duterte dahil sa masamang lagay ng panahon.

Isang oras at 33 minuto naman tumagal ang kaniyang talumpati para sa kaniyang Ika-Apat  na State of the Nation Address (SONA).

Sa ika-apat na pagkakataon, ang paglaban sa katiwalian at iligal na droga ang ilan sa mga highlight ng kaniyang ulat para sa bayan. Tinanong niya ang kaniyang sarili at ang taumbayan kung kailan matatapos ang katiwalian sa gobyerno.

“Honestly, I have identified the enemy who dumped us into this quagmire we are in. I have met the enemy face-to-face and sadly, the enemy is “us.” We are our own tormentors  addressing the filipino people — we are our own demons find corruption everywhere in government with every malefactor watching his cohort’s back in blatant disregard of his oath when he assumed public office.for every transaction, a commission; for every action, extortion; and a request that goes on and on – endlessly and shamelessly.” ani ni Pangulong Rodrigo Duterte.

Maski ang sarili niyang administrasyon, isinama niya sa kaniyang sinermunan pagdating sa isyu ng hindi maayos na serbisyo para sa mga mamamayan.

We are long on rhetorics but short on accomplishments. It’s either you congress or — even the executive department and maybe me. So i am here to rectify my own error. That is why, i implore those who occupy positions of power and authority, to let your deeds and accomplishments do the talking. Lead by example” ani Pangulong Rodrigo Duterte.

Kabilang sa pinangalanan ng punong ehekutibo ang Landbank of the Philippines na ipa-aabolish niya kung di gagampanan ang tungkuling tulungan ang mga maliliit na magsasaka.

Asking now Congress, ‘pag wala sila  if there is no viable plan for that for the farmers and it is just all commercial transactions, might as well abolish it” ani  Pangulong Rodrigo Duterte.

Muli namang hinikayat ni Pangulong Duterte ang kongreso na isulong ang panukalang ibalik ang death penalty sa mga heinous crimes kaugnay ng iligal na droga at plunder.

“I respectfully request congress to reinstate the death penalty for heinous crimesrelated to drugs, as well as plunder.” ani Pangulong Rodrigo Duterte

Samantala, nag-lecture sa sona ang punong ehekutibo hinggil sa kaniyang posisyon sa West Philippine Sea at nanindigang sa atin ito. Darating din ang panahong pipigilan ang ibang mangisda sa ating Exclusive Economic Zone (EEZ).

Subalit ngayon, di niya ipapadala ang mga tauhan ng pulisya at militar sa West Philippine Sea upang maiwasan ang gulo bagkus isinusulong niya ang pagkakaroon ng diplomatikong negosasyon partikular na sa China.

Nangatwiran naman ang Presidente na ang pagpahintulot niya sa china na makapangisda sa EEZ ay dahil sa pagmamay-ari natin ang West Philippine Sea at isinasaad na rin ito sa arbitral ruling.

“Our ownership of the Philippine,  west philippine sea is internationally recognized. However, both the united nations convention on the law of the sea (unclos) and the arbitral award in the case of people republic of the philippines vs. People’s republic of china” recognize instances where another state may utilize the resources found within the coastal state’s exclusive economic zone.” Ani Pangulong Rodrigo Duterte.

Sa ibang isyu, nagbabala rin ang pangulo sa mga lokal na pamahalaang higpitan ang pagpapatupad ng batas laban sa mga sumisira sa kalikasan.

“There are those who violate environmental rules. I am giving due notice to the lgus and other stakeholders, kayo po, of tourist destinations to take extra steps in the enforcement of our laws and the protection of our environment.”ani Pangulong Rodrigo Duterte.

Sa isyu ng peace order, hiniling naman nito sa bangsamoro transition authority na pabilisin ang transition sa regional government sa Bat nagtalaga rin ito ng mga cabinet member na tututok sa bawat rehiyon sa pamamagitan ng national task force to end local communist armed conflict.

Samantala, kaugnay ng kaniyang legislative agenda, hinikayat nito ang kongresong ipasa ang magna carta for barangays at ipagpaliban ang may 2020 barangay at sangguniang kabataan elections sa October 2022.

Gayundin ang nalalabing packages ng kaniyang Comprehensive Tax Reform Program, bagong bersyon ng Salary Standardization Law kung saan kabilang din sa tataasan ng sweldo ang mga guro at nurses, Rightsizing sa National Government, panibagong bersyon ng panukalang bubuo sa Coconut Farmers’ Trust Fund, National Defense Act, Unified Personnel Separation, Retirement, and Pension Bill, Mandatory ROTC sa Grades 11 and 12, mga panukalang reresolba sa water shortage, magpapaigting ng fire protection, magtatag ng Department of Disaster Resilience at National Land Use Act.

Sa huling bahagi ng ika-4 na sona nito, binigyang-diin ng pangulo na wala siyang sisisihing iba sa mga hindi nagawa sa ilalim ng kaniyang administrasyon kundi ang kaniyang sarili at nangakong ipagpapatuloy ang trabaho hanggang sa huling araw ng kaniyang termino.

“But i will not stop until i reach the finish line. Then and only then shall I call it a day. Our goal for the next three years is clear: a comfortable life for everybody, all Filipinos.” ani Pangulong Rodrigo Duterte

 (Rosalie Coz | Untv News)

Tags: , ,

More News