Nanawagan ang Malakanyang sa mga residente sa Marawi City na huwag munang bumalik sa kani-kanilang tahanan hanggang hindi pa natatapos ang kaguluhan at clearing operations sa lugar.
Ito ang tugon ng pamahalaan sa sentimyento ng mga residente na nagnanais nang makauwi matapos mapilitang lumikas dahil sa bakbakan na nagsimula noong May 23.
Ayon kay Presidential Spokesperson Ernesto Abella, nais lamang matiyak ng pamahalaan ang kaligtasan ng mga sibilyan lalo na’t patuloy pa ring nagkakaroon ng mga biktima ng stray bullet sa labas ng battle zone.
Dagdag pa nito, ongoing pa ang clearing operations ng militar sa lungsod dahil sa mga ikinalat na improvised explosive devise at booby-traps ng mga terorista.
Tags: Malakanyang, Marawi City, Presidential Spokesperson Ernesto Abella
METRO MANILA – Pirma na lamang ni Pangulong Rodrigo Duterte ang kulang bago maging isang ganap na batas ang kontrobersiyal na Anti-Terrorism Bill.
Ito’y matapos i-anunsyo ni Presidential Spokesperson Secretary Harry Roque na natanggap na nila ang kopya ng panukalang batas.
Ilang oras matapos kumpirmahin ni Senate President Vicente Sotto III na nalagdaan na nila ni House Speaker Alan Peter Cayetano ang Anti-Terrorism Bill at naipasa na ang opisyal na kopya kahapon ng umaga.
Sa kabila ito ng pagbawi ng ilang kongresista sa kanilang naunang boto na pagpabor sa panukalang batas sa gitna ng kritisismo mula sa iba’t ibang sektor sa bansa.
Nauna nang iginiit ni Senator Panfilo Lacson na siyang sponsor at isa rin sa may akda ng Senate Bill 1083 o ang bersyon Ng Anti-Terrorism Bill sa Senado na hindi pupwedeng bawiin ng mga mambabatas ang kanilang boto sa Kongreso.
Tiniyak naman ng Malacanang na pag-aaralang mabuti ni Pangulong Duterte ang mga probisyon ng panukalang batas bago lagdaan kahit na sinertipikahan ito bilang urgent bill.
Kumpiyansa naman si Sotto na hindi ito ivi-veto ng Punong Ehekutibo.
Samantala, ayon naman kay senator risa hontiveros, ilang grupo na ang nagpaplanong kwestiyunin ang anti-terrorism bill sa korte suprema sakaling maging ganap itong batas.
Isa si Hontiveros sa dalawang senador na bumoto ng hindi pabor sa anti-terrorism bill sa deliberasyon nito noon sa senado.
Mayroong tatlumpung araw si pangulong duterte upang magdesisyon kung lalagdaan na maging batas ang Anti-Terrorism Bill; ibi-veto o ibabasura; o hindi na aaksyunan at hahayaan na lamang itong maging isang batas.
(Harlene Delgado | UNTV News)
Tags: Anti Terrorissm Bill, Malakanyang
Manila, Philippines – Inakusahan ni House Appropriations Committee Chair Congressman Rolando Andaya si Budget Secretary Benjamin Diokno ng “bribery”.
Pahayag ni Andaya, sinubukan umano ni Diokno na alukin sila ng P40 billion kapalit ng kanilang katahimikan ukol sa isyu ng kahina-hinalang P70 billon insertions sa 2019 Proposed National Budget.
Mariin namang itinanggi ng huli ang akusasyon. Pahayag ni Diokno walang basehan ang paratang sa kanya ng Mambabatas.
Samantala, sinuportahan naman ng Malacañang ang panig ng Kalihim. Ayon kay Cabinet Secretary Karlo Nograles, bagama’t itinuturing nilang seryoso ang alegasyon ni Andaya at nararapat ring sagutin ito ng nasasangkot point by point nananatili pa rin ang tiwala ng Pangulo kay Budget Secretary Diokno.
Nanindigan din ang Malacañang na walang panunuhol na nagaganap sa mga miyembro ng gabinete ni Pangulong Duterte.
“We in the Cabinet certainly and in the administration of President Duterte, we do not resort to things like bribing so mabigat ‘yung mga akusasyon. I hope it can be addressed immediately.” ani Nograles.
Bukod pa rito, tiniyak din ng Malacañang na ang aaprubahang pambansang pondo ng Pangulo ay pork barrel-free matapos ang panawagan ni Senator Panfilo Lacson sa Punong Ehekutibo na gamitin nito ang Line-item Veto Power dulot ng Pork Insertions ng mga Mambabatas.
“Everything is legal here, because obviously the last thing we would want anyone to do is to question it before the Supreme Court and we want this budget clean and we want this budget implemented” dagdag pa ni Nograles.
(Rosalie Coz | UNTV News)
Tags: benjamin diokno, Malakanyang, miyembro ng gabinete, Pang. Rodrigo Duterte
Isang taon na ang lumipas mula ng ideklarang malaya ni Pangulong Rodrigo Duterte ang Marawi City matapos mapatay ang ISIS leader na si Isnilon Hapilon noong ika-17 ng Oktubre 2017.
Ngunit hanggang ngayon, hindi pa rin maalis sa ilang mga residente ang pangamba na maulit ang kanilang sinapit sa kamay ng mga terorista, bagaman ngayon ay tahimik na ang kanilang lugar.
Sa ngayon ang hiling ng ilang mga residente, makaalis na sila sa evacuation center at makabalik na sa kanilang tahanan.
Ayon sa Taskforce Bangon Marawi, sisimulan na ngayong buwan ang debri clearing sa most affected area.
Inaasahang bago matapos ang buwan ng Oktubre maisasakatuparan na ang ground breaking ceremony ng rehabilitasyon na pangungunahan ni Pangulong Duterte, matapos ang ilang beses na pagkakaantala.
Hindi naman nalilimutang magpasalamat ng lokal na pamahalaan ang pagtulong sa kanila, subalit aminado ito na naiinip na rin sila sa mabagal ng pag-usad ng rehabilitayson.
Sa ngayon, karamihan sa mga residente ng Marawi ay unti-unti ng bumabalik sa normal ang kanilang buhay.
Maging ang kani-kanilang mga negosyo partikilar sa Brgy. Basak Malutlut kung saan unang sumiklab ang giyera noong Mayo 2017.
( Weng Fernandez / UNTV Correspondent )
