Patuloy na nararamdaman ang epekto ng bagyong Eleanor sa France. Dahil sa malakas na hangin ay pansamantalang isinara ang Eiffel Tower.
Samantala, umabot sa 200 libong bahay ang nawalan ng kuryente at maraming flights ang na-delay sa Charles de Gaulle Airport.
Nananatili pa rin sa orange alert ang 49 departments o bayan sa France habang nananalasa ang bagyong Eleanor na may bilis na hanggang 147 kilometers per hour.
Karamihan sa mga naka-orange alert ay ang nasa north and east side ng France habang ang mga Coastal Towns sa west at north ay pinag-iingat sa mataas na pag-alon sa mga baybayin.
Isang skier ang naitalang nasawi sa Alpine Resort sa Morillon dahil nabagsakan ito ng puno.
Ayon sa Weather Authority na Meteo France, umabot sa 147 kilometers per hour ang bilis ng bagyong Eleanor habang nananalasa sa northern part ng bansa, partikular sa bayan ng Cambrai.
Nagbabala rin ang mga otoridad sa publiko na iwasan muna ang paglabas labas ng bahay at mag-ingat sa mga nahuhulog o hinahanging mga debris.
( Jhun Garin / UNTV Correspondent )
Tags: Eiffel Tower
