Mapayapa at maayos na halalan sa Masbate, nakasalalay din sa mga lokal na kandidato-political watchdog

by Radyo La Verdad | March 11, 2016 (Friday) | 2250

GERRY_PEACE-COVENANT
Muling umapela sa mga tumatakbong kandidato ang Masbate Advocates for Peace na makiisa sa isinusulong na patas, tahimik at maayos na eleksyon sa lalawigan ng Masbate.

Layunin ng election watchdog na maiwasan ang mga kaso ng karahasan sa lalawigan dahil sa matinding labanan ng mga magkakatunggali sa pulitika.

Ayon kay Judge Igmedio Emilio Camposano, ang pinuno ng Masbate Advocates for Peace, paulit-ulit nang lumalagda sa peace covenant ang mga kandidato ngunit kung hindi naman nila ito tutuparin ay magpapatuloy pa rin ang election-related crimes.

Nanawagan rin sila sa media na maging patas sa pagbabalita at iulat rin mga magagandang pangyayari.

Samantala, nanawagan din ang Commision on Elections sa mga kandidato na sundin ang election rules upang huwag masampahan ng reklamo.

(Gerry Galicia / UNTV Correspondent)

Tags: , , ,

Pinsala ng lindol sa imprastraktura sa Masbate, mahigit P8-M na

by Radyo La Verdad | February 20, 2023 (Monday) | 35663

METRO MANILA – Nakararanas parin ng mga aftershock ang isla ng Masbate mula ng tumama ang magnitude 6 na lindol nitong Huwebes, February 16.

Naglabas na ng Damage Assessment Report ang Office of Civil Defense (OCD) Bicol hinggil sa iniwang pinsala ng pagyanig sa probinsiya

Umabot sa mahigit P8-M ang halaga ng mga nasira ng lindol sa imprastraktura tulad ng mga barangay hall, health center at barangay chapel sa bayan ng Dimasalang.

58 school building din ang nagkaroon ng sira sa mga bayan ng Uson, Batuan, Baleno, Dimasalang, Mobo Momreal Palanas, San Fernando at San Jacinto sa Isla ng Ticao.

148 bahay ang totally at partially damaged sa 7 munisipalidad pero isasailalim pa sa validation ng Department of Social Welfare and Development (DSWD).

Nagkaroon din ng non infrastracture damage sa school kagaya ng 16 computer sets, 10 furnitures at 130  educational materials

Tinatayang P3-M rin ang nasira sa provincial road sa Canvanes road sa bayan ng Batuan na siyang naging epicenter ng lindol.

96 na pamilya katumbas ng 440 indibidwal sa 22 barangay ang naapektuhan.

Sinuspinde naman ng pamahalaang panlalawigan ang pasok sa lahat ng antas ng paaralan.

Mahigit P180,000 ang ayuda na naipamahagi ng DSWD sa mga apektadong residente.

154 na family food packs naman ang ipinagkaloob sa mag mamamayan ng Palanas Batuan at San Fernando.

Maging ang Department of Health (DOH) Bicol ay nag-abot din ng P100,000 halaga ng assorted na gamot, hygiene kit, cot beds sa probinsiya ng Masbate.

(Gerry Galicia | UNTV News)

Tags: ,

Halaga ng pinsala sa imprastraktura na dulot ng lindol sa Masbate, tinatayang aabot sa mahigit P23M

by Erika Endraca | August 19, 2020 (Wednesday) | 29729

Masbate – Niyanig ng magnitude 6.6 na lindol ang lalawigan ng Masbate kahapon (August 19).

Isa ang nasawi matapos bagsakan ng gumuhong bahay habang apatnaput walong indibidwal ang naitalang nasugatan.

Ayon sa Phivolcs, naramdaman ang intensity 7 sa Cataingan, Masbate; intensity 5 sa Masbate City at Tagapul-an Samar.

Intensity 4 naman sa Sorsogon, Legazpi City, Albay, San Andres Quezon Province, Mapanas Northern Samar, Palo Leyte, at Sagay City sa Negros Occidental.

Naramdaman din ang lindol hanggang sa Ormoc, Leyte at Iloilo City.

Batay sa ulat ng Masbate PDRRMO, mahigit 30 aftershocks ang naitala sa bayan ng Cataingan, 16 na bahay naman ang nasira sa 3 bayan.

Habang 55 silid aralan ang nasira sa labing siyam na eskwelahan sa elementarya at highschool.

Tinatayang aabot sa mahigit P23M ang napinsala sa mga kalsada, tulay at mga goverment building.

Mahigit 100 LSI naman ang inilipat sa Cataingan national high school at Potenciano Abejero Elementary School mula sa Cataingan Memorial Colleges at Cataingan Astrodome.

Nakitaan kasi ng mga bitak ang naturang mga gusali na ginagamit na quarantine facility.

Samantala tiniyak naman ng Malacañang na mabibigyan ng ayuda ang mga residenteng naapektuhan ng malakas na lindol sa Masbate at ilang bahagi ng Visayas.

Ayon kay Presidential Spokesperson Secretary Harry Roque nakahanda na ang mga sangay ng gobyerno na magbibigay ng relief goods sa mga pamilyang nasa evacuation center.

Wala namang detalye pa ang palasyo kung dadalaw doon personal si Pangulong Rodrigo Duterte.

“Pagdating po sa ayuda wag po kayong mag-alala, mga pagkain, mga blanket, mga resettlement area, lahat po yan, naka-prepositioned na po yan at sanay na sanay na po tayong magbigay ng ganiyang tulong sa ating mga kababayan. Siguradong-sigurado po ako na gusto ni presidenteng pumunta whether or not he will be allowed tignan po natin”ani Presidential Spokesperson Sec. Harry Roque.

(Gerry Galicia|UNTV News)

Tags: , ,

9 sa 10 Pinoy, pabor pa rin sa Automated na botohan – Pulse Asia

by Erika Endraca | August 8, 2019 (Thursday) | 14974

Manila, Philippines – Kuntento ang higit na nakararaming Pilipino sa pagdaraos ng may 2019 Midterm Elections kaya’t pabor pa rin sila sa automated na botohan sa mga darating na halalan.

Batay sa survey ng Pulse Asia nitong Hunyo, 9 sa bawat 10 o 91% ng 1,200 na kanilang natanong ang gusto pa rin ng Automated Election System (AES).

Iyon ay dahil mas napadali ang proseso ng botohan at ang paglalabas ng resulta ng halalan.

“They feel that faster results made the elections more credible and then it’s also easier compared to let’s say how we use to vote where you have to write the surname of the candidate.” ani Pulse Asia Survey Research Incorporated President Dr Ronnie Holmes.

Ayon naman sa isang election watchdog, malinaw na hindi madaling dayain ang AES kaya’t naging talamak ang vote-buying sa nakaraang mga halalan.

“Vote buying became more rampant after we automated our elections because candidates, politicians did not know how to cheat the machines it’s very revealing for people to say that they did not see any cheating or vote buying in their localities”ani Lente Executive Director Attorney Ona Carritos.

Para sa Commission On Elections (COMELEC), tiwala pa rin sa otomatikong botohan maging si palitan ang smartmatic.

Patunay umano nito ang sinabi ng Pangulong Rodrigo Duterte sa kabila ng kaniyang pahayag na gusto na niyang pangulo sa kanyang State of the Nation Address (SONA) na kontento siya sa resulta ng nakaraang halalan noong Mayo.

(Aiko Miguel | Untv News)

Tags: ,

More News