Iniharap na kanina ng prosekusyon ang unang testigo para sa paglilitis sa kasong graft nina dating Optical Media Board Chairman Ronnie Ricketts, Executive Director Cyrus Paul Valenzuela at iba pang akusado.
Sa trial sa Sandiganbayan 4th division, kinumpirma ng dating security guard ng OMB na si Pedro Gasingan na nagsauli nga ang ahensya ng 127 boxes at dalawang sako ng pirated vcds at dvds sa kumpanyang Sky High Marketing Corp noong may 2010.
Ang mga ito ay nakumpiska sa raid na isinagawa ng OMB noong araw ding iyon.
Ayon kay Gasingan, inutusan siya ng ahente ni Ricketts na si Glenn Perez na ilabas na sa compound ng OMB ang mga kumpiskadong vcds at dvds kahit wala itong gate pass.
Kwento niya, kinumpirma pa niya ito kay Executive Dir. Cyrus Paul Valenzuela at sinabi sa kanya na sundin ang utos kung galing ito kay Ricketts.
Ngunit paliwanag naman ni Valenzuela, hindi niya ipinagutos ang pagbabalik ng kumpiskadong dvd at vcds.
Dagdag pa nito, nagkaroon umano ng sabuwatan sa loob ng opisina upang hindi na imbestigahan ang operasyon.
Ayon sa impormasyon ng kaso, lumabag ang mga opsiyal ng OMB sa anti-graft and corrupt practices act dahil sa maaaring pakinabang nila sa pagbibigay ng “unwarranted benefits” o pabor ng OMB ang kumpanyang Sky High Marketing Corporation.
Tumanggi naman magbigay ng pahayag ang kampo ni Ricketts.
(Joyce Balancio / UNTV Correspondent)
Umapela ang Ombudsman sa Sandiganbayan 4th division sa pagkaka dismis nito sa kaso ni dating Pangulong Gloria Macapagal Arroyo kaugnay ng NBN-ZTE scandal.
Dinismis ng Sandiganbayan ang kaso ni Arroyo dahil sa kawalan umano ng ebisdensya laban dito
ipinunto naman sa mosyon ng prosekusyon na mayroong lack of jurisdiction sa hinihinging ebidensya ng korte dahil sa labas umano ng bansa tumanggap ng pabor si Arroyo sa ZTE.
Isang general rule na dapat dinidinig ang isang kaso sa lugar na kung saan ito nagawa gaya ng kaso ni Ginang Arroyo.
Sa October 14 itinakda ng Sandiganbayan ang pagdinig sa mosyon ng prosekusyon.
Tags: kasong graft, Ombudsman, pagkakadismis ng kaso ni Ex-Pres.Gloria Arroyo
Kinasuhan na ng Office of the Ombudsman sa Sandiganbayan si Sen.Sherwin Gatchalian at dating Local Water Utilities Administration o LWUA Chairman Prospero Pichay at iba pa ng kasong graft, malversation at paglabag sa bank rules.
Kaugnay ito sa pagbili ng LWUA ng shares of stocks ng Express Service Bank Inc o ESBI na pag-aari ng mga Gatchalian taong 2009.
Ayon sa Ombudsman, nagsabawatan ang mga opsiyal ng LWUA at mga incorporators at executives ng ESBI sa pagbili ng mahigit apat na raang libong shares ng naturang bangko kahit labag ito sa bank rules.
Wala umanong pahintulot ito mula sa Office of the President, sa Department of the Finance, Monetary Board at Bangko Sentral ng Pilipinas.
Dahil limang taong nang lugi ang bangko, naging disavantageous sa pamahalaan ang pagbabayad ng LWUA ng 80 million pesos para sa shares ng bangko.
Maliban dito, may mahigit 700 million pa umanong dineposito ang LWUA EBSI upang makabawi ito sa pagkalugi.
Maliban kay Sen.Gatchalian, damay din sa kasong graft at malversation ang apat sa kanyang mga kamag anak, limang lwua officials at iba miyembro ng board of directors ng bangko.
Ayon naman kay Sen.Gatchalian, 2500 pesos lang naman ang kanyang nakuha mula sa pagbebenta ng kanyang shares sa bangko.
Handa siyang makipagtulungan upang mapabilis paglilitis upang maabswelto na siya ng Sandiganbayan.
Sa labinglimang taong sa public service, hindi siya nadawit sa korapsyon at pag-abuso ng kapangyarihan. Wala rin aniyang ebidensyang magpupukol laban sa kaniya.
Sa Biyernes nakatakdang iraffle sa pitong divisions ng Sandiganbayan ang kasong ito. 90 thousand pesos ang nirerekomendang piyansa para kay Sen.Sherwin Gatchalian.
(Joyce Balancio / UNTV Correspondent)
Tags: bangkong pag-aari ng mga Gatchalian, kasong graft, malversation at paglabag sa banking rules, pagbili ng shares of stocks ng Local Water Utilities Administration, Senator Sherwin Gatchalian
Maliban sa kasong plunder, nahaharap din si Sen.Jinggoy Estrada sa labing isang counts ng graft o katiwalian kaugnay ng PDAF Scam.
Ngunit hindi pa nagsisimula ang paglilitis sa mga kaso ng graft, ipinapadismiss na ito ng senador sa Sandiganbayan 5th division.
Ayon kay Estrada, napapaloob na ang mga alegasyon ng graft sa kasong plunder kayat dapat hindi na ito paghiwalayin.
Sinabi ng senador na parehong Special Allotment Release Orders o SARO pati rin ang halaga ng PDAF ang nakasaad sa impormasyon ng graft.
Kinontra naman ito ng prosekusyon.
Anila wala namang batas na nagbabawal sa pagsasampa ng dalawang magkaibang kaso sa isang krimen na ginawa, lalo na kung pasok ito sa elemento ng bawat kaso.
Giniit din ng prosekusyon na magkaiba ang kasong plunder at graft.
Sa plunder, pinapanagot nito ang akusadong nagkamal ng malaking halaga sa pamahalaan.
Habang sa graft naman, hindi kinakailangan na may ninakaw, basta napatunayan na ginamit ang pusisyon upang magbigay ng pabor, unwarranted benefit undue privilege sa isang tao, kumpanya o ano mang entity na siyang nakaapekto o nagdadala ng pinsala o kawalan sa pamahalaan.
Dahil dito, nanindigan ang prosekusyon na dapat ay huwag pagbigyan ng korte na madimiss ang graft case at managot ang senador sa dalawang kasong naisampa na laban sa kanya.
Hihintayin muna ng Sandiganbayan ang reply dito ng kampo ng senador bago magdesisyon sa mosyon.
Samantala, tinutulan din ng kampo ng prosekusyon ang isa pang hiling ni Estrada na makadalo sa kaarawan ng ina na si dating sen. Loi Ejercito sa June 4.
Ayon sa kanila, nauna nang hindi pinagbigyan ng korte ang kaparehong hiling ng senador dahil bilang isang detainee, restricted na ang kanyang mga galaw.
Hindi rin aniya ito maituturing na emergency na sitwasyon.
Tinutulan din ng prosekusyon ang pagnanais ng senador na makadalo sa mga huling sesyon ng senado mula June 6 hanggang 8.
(Joyce Balancio / UNTV Correspodent)
