Muling binigyan ng pagkilala ng lokal na pamahalaan ng Quezon Province ang mga grupo at indibidwal na katulong nito sa pagtiyak na mayroong sapat na supply na dugo para sa mga maysakit na nangangailangan nito sa lalawigan.
At sa ikalawang pagkakataon, napagkalooban ng Hall of Fame o Quezon Kasangga Award ang Members Church of God International sa pangunguna ni Brother Eli Soriano.
Ngayong 2017, nakapagsagawa na ng dalawang blood donation drive ang grupo katuwang ang Quezon Provincial Blood Council. Kung saan umabot sa mahigit isandaan at limampung bag ng dugo ang naipon ng grupo.
Samantala, ilang indibidwal sa lalawigan ang nabigyan naman ng Gallooner Award dahil sa kanilang regular na pagdodonate ng dugo.
Kabilang na dito ang person with disability na si Bryan Ramos na nakapagdonate na ng dugo ng mahigit tatlumpong beses. Bahagi ang pagbibigay ng award sa weeklong celebration ng Niyugyugan Festival sa lalawigan ng Quezon.
(Japhet Cablaida / UNTV Correspondent)
