METRO MANILA, – Niluwagan na ni Pangulong Rodrigo Duterte ang quarantine restrictions sa buong bansa.
Simula June 1, mapapasailalim na sa General Community Quarantine (GCQ) ang Metro Manila.
Gayundin ang regions II, III, IV-A, Albay, Pangasinan, at Davao City.
Ang desisyon ng Pangulo ay kasunod ng ulat ng pinakamataas na bilang ng bagong kaso ng COVID-19 sa bansa Kahapon (May 28) sa bilang na 539 new cases.
Ipatutupad naman ang Modified General Community Quarantine sa karamihang bahagi ng bansa simula sa Lunes.
Oras na mag-umpisa na ang GCQ sa Metro Manila, balik-operasyon na ang public transportation with limited capacity tulad ng mga pampasaherong bus, point-to-point bus, TNVS, at taxi.
Pwede na ring bumiyahe ang mga bus-like modern jeepney pero hindi pa pinahihintulutang pumasada ang tradisyunal na jeep.
Batay na rin ito sa umiiral na panuntunan ng Inter-Agency Task Force kontra COVID-19 sa pagpapatupad ng community quarantine.
Kinumpirma naman ng Transportation Department na handa na ring ibalik ang operasyon ng railway systems sa METRO MANILA sa Lunes (June 1).
Samantala, tiwala naman ang Pangulo sa ginagawang bakuna ng China kontra COVID-19.
Aniya posibleng maging available na ito sa Setyembre.
(Rosalie Coz | UNTV News)
Tags: GCQ, Metro Manila
METRO MANILA – Inihayag ni Pangulong Ferdinand Marcos Junior na mananatili sa P1,000 ang babayarang multa para sa illegal parking ng mga mahuhuling motorista.
Ipinatigil na muna ni PBBM ang probisyon ng joint traffic circular ng Metro Manila Council na itaas ang multa para sa illegal parking mula P1,000 hanggang P4,000.
Naniniwala naman ang pangulo na madadaan pa sa disiplina ang mga motorista at magkakaroon ng pangmatagalang solusyon sa kinakaharap na problema sa trapiko sa Pilipinas lalo na sa Metro Manila.
Tags: illegal parking, Metro Manila, traffic
METRO MANILA – Inaasahan ang pagtataas sa sahod ng mga kasambahay sa Metro Manila at mga minimum wage earner sa Caraga region matapos aprubahan ng kani-kanilang wage boards ang wage increase.
Sa isang pahayag, inanunsyo ng Department of Labor and Employment (DOLE) na kinumpirma ng National Wages and Productivity Commission (NWPC) ang wage order na isinumite ng Regional Tripartite Wages and Productivity Board (RTWPB) sa Caraga at NCR noong December 13, 2023.
Sa inilabas na Moto Propio Wage Order ng Caraga RTWPB, noong December 5, madaragdagan ang daily minimum wage ng P20 sa lahat ng sector mula January 1, 2024.
Habang magkakaroon pa ng additional P15 sa second tranche sa May 1, 2024.
Samantala naglabas din ng Moto Propio ang RTWPB ng NCR noong Decembr 12, kung saan nakasaad na madadagdagan ng P500 ang buwanang sahod ng mga kasambahay sa Metro Manila.
Dagdag pa ng DOLE, na ang wage orders ng RTWPB ng Caraga ay inilathala nitong December 16 at magiging epektibo 15 days mula sa publication nito
Habang ngayong December 18, 2023 naman ilalathala ang wage order para sa mga kasambahay sa NCR.
Tags: CARAGA Region, Metro Manila, minimum wage
METRO MANILA – Nasa 48 cubic meters per second ang unang inilabas na alokasyon ng National Water Resources Board (NWRB) ngunit humiling ang Metropolitan Waterworks and Sewerage System (MWSS) na pataasin bunsod ng nararanasang tag-init
Hindi na magkakaroon ng kabawasan sa alokasyon ng tubig sa Metro Manila at karatig lalawigan nito matapos ilabas ng National Water Resources Board (NWRB) ang pinal na desisyon nito dahil sa hiling ng MWSS na itaas sa 50 cubic meters per second ang pag-release ng tubig.
Nauna nang inaprubahan ng NWRB ang 48 cubic meter per second sa buwan ng Abril ngunit binago nito ang desisyon epektibo bukas (April 4) hanggang April 15.
Ayon kay NWRB Executive Director Dr. Sevillo David Junior, ito rin ay upang ma-address ang sunod-sunod na water service interruptions na nararanasan sa Metro Manila at kalapit probinsya.
Tags: Metro Manila, MWSS, NWRB
