Inilagay na ng Department of Justice sa immigration lookout bulletin ang mga akusado sa pagdukot at pagpatay sa Korean businessman na si Jee Ick Joo.

Kabilang dito sina SPO3 Ricky Sta. Isabel, SPO4 Roy Villegas, Ramon Yalung at sina alyas “Sir Dumlao”, alyas “Jerry” at alyas “Ding”.

Kasama ring pinababantayan ang posibleng pag alis palabas ng bansa si PO2 Christopher Baldovino na nagsilbing testigo sa isinampang kaso sa Angeles City RTC.

Ayon kay Sec. Vitaliano Aguirre, ito ay upang tiyakin na hindi nila tatakasan ang imbestigasyon sa kaso at matiyak na mabibigyan sila ng pagkakataon na maipaliwanag ang kanilang panig.

(Roderic Mendoza / UNTV Correspondent)

Tags: inilagay na sa immigration lookout bulletin, Mga akusado sa pagdukot at pagpatay sa negosyateng Koreano