Mga apektado ng Marawi crisis na nakatira sa idineklarang “safe areas”, maaari nang makabalik sa kanilang tahanan

by Radyo La Verdad | July 31, 2017 (Monday) | 2078


Maaari nang makabalik ang ilang apektado ng Marawi crisis na nakatira sa mga lugar na idineklarang “safe zones” kabilang na ang kalapit-bayan malapit sa Marawi at Lawa ng Lanao.

Ayon kay AFP spokesman Brig. Gen. Restituto Padilla Jr, malayo sa war zone sa Marawi City ang mga itinuturing nang ligtas na lugar.

Gayunpaman, sasamahan aniya ng militar ang mga residente sa pagbabalik sa kanilang bahay upang matiyak kanilang kaligtasan.

Kinakailangan muna din ng mga residente na magkaroon ng safe conduct pass kung saan sasalang ang mga ito sa isang screening upang makumpirma ang kanilang pagkakakilanlan.

Tags: , ,