METRO MANILA – Malaki ang maitutulong sa pagpapaluwag ng mga ospital kung magagawa na ring treatment facilities ang mga hindi nagagamit na barko. Dito dadalhin at aasikasuhin ang mga asymptomatic at mild Covid-19 cases para hindi na sila nakadadagdag pa sa bulto ng mga pasyenteng nagsisiksikan sa mga ospital.
Ayon sa Private Hospitals Association of the Philippines, sa ganitong paraan mas mabibigyan nila ng atensyon ang malalalang kaso ng sakit.
“Yung mga medical workers diyan, halimbawa may isang doktor, may dalawang nurses lang, hindi talaga sila magma-manage masyado”, ani Dr. Jose de Grano, President, Private Hospitals Association of the Philippines
Sinabi pa ni PHAP President Dr. Jose de Grano, sakaling pumayag ang mga shipping company, ang mga partner hospitals ang magpo-provide ng mga gamit nito pati medical personnel na magbabantay sa mga pasyente.
Sa ngayon ay wala pang sagot ang mga shipping company sa planong ito.
Sinabi naman ng Dept. of Transportartion na sa ngayon ay mayroon na rin silang mga karagdagang pasilidad gaya ng isolation facilities na binuksan sa Eva Macapagal Super Terminal at Port Capinpin sa Orion Bataan na handang tumugon at tumanggap ng Covid-19 patients mula sa NCR plus.
Nel Maribojoc | UNTV News
METRO MANILA – Tiniyak ng Department of Health (DOH) na may pondo ang kagawaran para labanan ang bagong COVID-19 variants.
Taliwas ito sa ulat na wala umano itong nakalaang budget para makabili ng bakuna kung sakaling kailanganin sa bansa kaugnay ng bagong variants na KP.2 at KP.3 dahil may contingency fund ang ahensya.
Samantala, tiniyak naman ng DOH na hindi na mangyayari ang naranasan ng bansa nang manalasa ang COVID-19 pandemic noong 2020 hanggang 2022.
Hindi rin maituturing na mapanganib ang sitwasyon ng COVID-19 sa ngayon sa gitna ng bahagyang pagtaas ng kaso at banta ng bagong variants.
METRO MANILA – Nananatiling kumakalat at dahilan ng pagkamatay ng ilang indibidwal ang COVID-19.
Ayon sa World Health Organization (WHO), noong Disyembre ay nakapagtala ito ng mataas na bilang ng hawaan dahil sa mga pagtitipon noong holiday season, at sa JN.1 variant.
Sa panahong ito, aabot sa 10,000 ang bilang ng mga nasawi at tumaas din ang hospitalization at ICU admissions kumpara noong Nobyembre.
Tiniyak naman ng Department of Health (DOH) na patuloy silang magbabantay at nakaalerto sa banta ng COVID-19.
Ayon sa DOH, sa kasalukuyan ay mababa lamang ang mga kaso ng hawaan at namamatay sa bansa dahil sa virus.
METRO MANILA – Itinanggi ng Department of Health (DOH) ang kumakalat ngayon na pekeng impormasyon na nagsasabing mayroong panibagong COVID-19 wave sa Metro Manila.
Ayon kay Department of Health Asst. Secretary Albert Domingo, pababa na ang bilang ng mga nagpopositibo sa sakit batay sa datos ng ahensya.
Kahit umano sa mga ospital ay wala namang naoobserbahang labis na pagdami ng admissions.
Batay sa record ng DOH, mula December 26, 2023 hanggang January 1, 2024, mayroon lamang 3,147 new cases kung saan ang average number ng mga bagong kaso kada araw ay nasa 449, mababa ng 10% kung ikukumpara noong December 19 to 25, 2023.
At sa bilang na ito, 40 o katumbas lamang ng 1.28% ang nasa kritikal na kondisyon.
Nagbabala din ang kagawaran na magsasampa ng criminal charges sa sinomang sangkot sa pagpapakalat ng fake news kung magtutuluy-tuloy ito.
Ayon sa kagawaran, sa patuloy na pagbaba ng mga kaso, malaking bagay pa rin ang pagsunod at pagpili ng mga Pilipino sa “healthy behavior” gaya na lamang ng pagsusuot ng face mask kung kinakailangan at pananatili sa bahay kung may sakit.
