METRO MANILA – Nananatiling banta sa kalusugan ang Delta variant kabilang maging sa pediatric population o mga menor de edad.
Kaya naman ayon Vaccine Experts Panel Member Dr. Rontgene Solante, kailangan iprayoridad ng pamahalaan ang pagbabakuna sa mga batang pilipino bago magsimula ang pilot run ng limited face- to-face classes sa Pilipinas.
“We will only allow face-to face as long as those will be on the face- to- face meeting will be vaccinated so that’s the priority unless this age group for example itong mga high school or elementary na wala pang bakuna it’s too risky in putting them in their classes na wala pang bakuna” ani VEP Member/ Infectious Disease Expert Dr. Rontgene Solante.
Ayon pa kay Dr. Solante mas magiging epektibo ang vaccine rollout sa mga menor de edad kung uunahin ang mga batang Pilipino sa pilot areas ng face-to face classes.
“With the extension of the age group na meron nang bakuna na effective this age group can be a potential priority population once we have the capacity or supply of these vaccines if you have vaccines that will also cater the younger age group especially for us who are planning, ang gobyerno kasi natin plano ng face- to- face school opening” ani VEP Member/ Infectious Disease Expert Dr. Rontgene Solante.
Dagdag pa ni Dr Solante, nababawasan talaga ang bisa ng COVID-19 vaccines dahil sa Delta variant.
Nguni’t ang mga COVID-19 vaccines ay nakakatulong pa rin upang ang mga bakunado na ay maiiwas sa pagkakaroon ng COVID-19 severe at critical infection kumpara sa mga hindi nakatanggap ng kanilang COVID-19 shots.
“Those vaccinated will only develop a more milder symptoms compared to an unvaccinated. In fact in the current data namin sa mga ospital still the unvaccinated that are suffering from severe and critical compared to vaccinated. hindi lang pala matanda kapag severe and critical when you have this kind if highly transmissible virus it can also cause more hospitalization and emergency care visit particularly those sa mga medyo bata bata pa” ani VEP Member/ Infectious Disease Expert Dr. Rontgene Solante.
Ayon naman sa Dept. of Health (DOH), isinasapinal pa lang ang mga protocol bago simulan ang pagbabakuna ng mga menor de edad sa Pilipinas.
Pfizer at Moderna COVID-19 vaccines pa lang ang may Emergency Use Authorization sa bansa na maaaring ibakuna sa mga 12 hanggang 17 taong gulang.
(Aiko Miguel | UNTV News)
Tags: Covid-19, face-to-face classes
METRO MANILA – Tiniyak ng Department of Health (DOH) na may pondo ang kagawaran para labanan ang bagong COVID-19 variants.
Taliwas ito sa ulat na wala umano itong nakalaang budget para makabili ng bakuna kung sakaling kailanganin sa bansa kaugnay ng bagong variants na KP.2 at KP.3 dahil may contingency fund ang ahensya.
Samantala, tiniyak naman ng DOH na hindi na mangyayari ang naranasan ng bansa nang manalasa ang COVID-19 pandemic noong 2020 hanggang 2022.
Hindi rin maituturing na mapanganib ang sitwasyon ng COVID-19 sa ngayon sa gitna ng bahagyang pagtaas ng kaso at banta ng bagong variants.
METRO MANILA – Nananatiling kumakalat at dahilan ng pagkamatay ng ilang indibidwal ang COVID-19.
Ayon sa World Health Organization (WHO), noong Disyembre ay nakapagtala ito ng mataas na bilang ng hawaan dahil sa mga pagtitipon noong holiday season, at sa JN.1 variant.
Sa panahong ito, aabot sa 10,000 ang bilang ng mga nasawi at tumaas din ang hospitalization at ICU admissions kumpara noong Nobyembre.
Tiniyak naman ng Department of Health (DOH) na patuloy silang magbabantay at nakaalerto sa banta ng COVID-19.
Ayon sa DOH, sa kasalukuyan ay mababa lamang ang mga kaso ng hawaan at namamatay sa bansa dahil sa virus.
METRO MANILA – Itinanggi ng Department of Health (DOH) ang kumakalat ngayon na pekeng impormasyon na nagsasabing mayroong panibagong COVID-19 wave sa Metro Manila.
Ayon kay Department of Health Asst. Secretary Albert Domingo, pababa na ang bilang ng mga nagpopositibo sa sakit batay sa datos ng ahensya.
Kahit umano sa mga ospital ay wala namang naoobserbahang labis na pagdami ng admissions.
Batay sa record ng DOH, mula December 26, 2023 hanggang January 1, 2024, mayroon lamang 3,147 new cases kung saan ang average number ng mga bagong kaso kada araw ay nasa 449, mababa ng 10% kung ikukumpara noong December 19 to 25, 2023.
At sa bilang na ito, 40 o katumbas lamang ng 1.28% ang nasa kritikal na kondisyon.
Nagbabala din ang kagawaran na magsasampa ng criminal charges sa sinomang sangkot sa pagpapakalat ng fake news kung magtutuluy-tuloy ito.
Ayon sa kagawaran, sa patuloy na pagbaba ng mga kaso, malaking bagay pa rin ang pagsunod at pagpili ng mga Pilipino sa “healthy behavior” gaya na lamang ng pagsusuot ng face mask kung kinakailangan at pananatili sa bahay kung may sakit.
