Inumpisahan na myerkules umaga ang random drug testing sa mga bus driver sa Araneta bus terminal na bahagi ng oplan ligtas biyahe ng Department of Transportation and Communication.
Bago umalis ang isang bus isinailalim muna ang mga driver nito sa drug testing na ang resulta ay makukuha sa loob lamang ng limang minuto.
Sa pamamagitan ng urine sample, kayang matukoy kung may marijuana o shabu sa katawan ng isang tao
Kapag nag-negatibo, bibigyan ng health officer ng certificate na nagpapatunay na pumasa ang driver sa drug test
Kapag nag positibo sa ipinagbabawal na gamot, dadalhin sa pinakamalapit na ospital ang driver upang magsagawa muli ng drug testat kung mag positibong muli ay dadalhin na ito sa pinakamalapit na police station.
Tatlo ang nag positibo kanina sa initial drug testing, subalit tumanggi ang accredited insurance center na ibigay ang pagkakakilanlan ng mga driver dahil maaaring mag-negatibo pa ito sa testing na gagawin sa ospital.
Hindi papayagan na maka- pagdrive kapag nag positibo ang isang driver, at kaagad na papalitan ng ibang magmamaneho. ( Mon Jocson / UNTV News )
METRO MANILA, Philippines – Nais ng United Filipino Consumer and Commuters Group na gawing tuloy-tuloy ang biyahe ng mga tren ng MRT at LRT katulad sa ilang mauunlad na bansa gaya ng Estados Unidos, Japan at Australia.
Ayon kay RJ Javellana ang presidente ng grupo, matagal nang dapat na hinabaan ang operating hours ng MRT at LRT dahil sa dami ng mga pasaherong gustong makaiwas sa matinding traffic.
“Kung ako nga ang tatanungin…kung puwede sana 24 oras ‘yan. Pero dahil nga ito ay medyo eksperimento pa ang ginagawa mismo ng gobyerno dito sa mga sistema na ito, eh we are at the mercy ‘yung mga mananakay natin,” Ani ni Javellana.
Suportado rin ng nakararaming mga pasahero ang panukalang ito lalo’t marami anila ang madalas na nasasaraduhan ng MRT at LRT.
Sa pagdinig ng House Committee on Metro Manila Development noong nakaraang linggo, napag-usapan ang panukalang palawigin hanggang hating gabi ang biyahe ng mga tren.
Sa pahayag na inilabas ng Department of Transportation, sinabi ng ahensya na pagaaralan nila ang panukala. Subalit maraming mga bagay anila ang dapat na maikonsidera, gaya na lamang ng pagdaragdag ng mga tauhan at dagdag na gastos sa kuryente upang mapatakbo ang mga tren.
Posible ring mabawasan ang oras ng pagmimintina sa mga tren na ginagawa tuwing pagkatapos na huling biyahe. Ngayong huling linggo ng Enero, inaasahan na magsisimula na muling ang Sumitomo Heavy Industries bilang nagbabalik na maintenance provider ng MRT-3.
Kaalinsabay nito, ang rehabilitasyon ng riles at pagkukumpuni sa mga bagon na tatagal sa loob ng mahigit tatlong buwan.
(Joan Nano | UNTV News)
Tags: commuter, Department of Transportation and Communication, LRT, united filipino consumer and commuters group
Naghain ng petisyon ang grupong 1-UTAK sa Land Transportation Franchising and Regulatory Board upang hilingin na ibaba ang pasahe sa UBER at GRAB car.
Ngayon ay nasa forty pesos ang flag down rate sa UBER, mahigit limampiso ang kada kilometro, dalawang piso naman kada minuto ang waiting time at mayroon pang surge pricing
Nais ng 1-UTAK na maibaba ng fifty percent ang flag down rate sa UBER at GRAB at alisin na rin ang surge pricing.
Kung maaaprubahan, magiging twenty pesos na lamang ang flag down rate ng mga transport network vehicle.
Ayon sa 1-UTAK, hindi ito masyadong makaka-apekto sa kita ng UBER at GRAB car dahil hindi naman malaki ang kanilang investment katulad ng sa mga taxi
Subalit ang LTFRB, mukang wala pang magagawa sa naturang petisyon, batay sa department order na inilabas ng Department of Transportation and Communication, nasa kapangyarihan ng mga transport network company ang pagtatakda sa halaga ng pasahe
Ayon sa LTFRB, ang magagawa nila sa ngayon ay ang umapila sa UBER at GRAB na magkusa na lamang na ibaba ang halaga ng kanilang pasahe gaya ng ginawa ng mga jeepney operator
Itinakda ng LTFRB ang hearing sa petisyon ngayong buwan ng Pebrero.
(Mon Jocson/UNTV News)
Tags: 1-UTAK, Department of Transportation and Communication, UBER at GRAB
Pinulong ngayong myerkules ng Department of Transportation and Communication ang ilang jeepney drivers upang ipaliwanag ang tungkol sa napipintong phase out sa mga lumang jeepney.
Ayon sa DOTC, walang phase out na mangyayari ngayong taon kundi voluntary ang pagpapalit ng sasakyan bilang paghahanda sa mandatory phase out sa 2018.
Nilinaw rin ng DOTC na hindi phase out ang ipatutupad kundi phase-in ng mga bagong sasakyan
Sa kasalukuyan ay binabalangkas pa ang mga regulasyon tungkol sa modernization program ng kagawaran kaya walang dapat na ipag-alala ang mga jeepney driver
Nakahanda ang DOTC na magbigay ng financial assistance sa mga jeepney driver upang makabili ang mga ito ng bagong jeep
Wala pa ring mga nabubuong kondisyon kung paano at gaano kalaking halaga ang maaaring i-loan ng mga jeepney driver
Ibinida pa ng dotc na mismong mga transport group pa ang nagtatanong sa kanila noon na kung bakit mga bus lamang ang may age limit
Ayon sa DOTC, mga transport group mismo ang humiling na magtakda rin sila ng age limit para sa mga pampasaherong jeep
Ngunit ang grupong PISTON na dalawang magkasunod na linggo ng nagsasagawa ng kilos protesta ay naniniwala na hindi totoong sa 2018 pa ipatutupad ang phase out.
Ito ay sa kabila na naglabas na ng memorandum circular ang DOTC na walang mangyayaring phase out sa loob ng dalawang taon
Uunahing ipatupad ng DOTC ang phase out sa Metro Manila bago isunod ang ilang lugar sa Luzon at sa Visayas at Mindanao
Siyam na milyon ang sumasakay ng jeep araw-araw, kung matutuloy ang pagaalis sa mga unit na 15 taon pataas sa mga susunod na taon, maaaring malaking problema ito sa mga commuter lalo na at hindi pa maayos ang mass transport system sa bansa.
(Mon Jocson/UNTV News)
Tags: Department of Transportation and Communication, financial assistance, jeepney driver
