Sa halip na ang kani-kanilang sariling national costumes, mga damit na tunay na tatak Mindanao ang ibinihis ng dalawampu’t siyam na kandidata ng Miss Universe 2016 sa ginanap na Mindanao Tapestry Fashion Show kagabi sa Davao City.

Ang telang ginamit sa mga damit na isinuot ng mga naggagandahang kandidata ay likha mismo ng mga weavers mula sa Mindanao.

At ang kilalang fashion designer naman na si Rene Salud ang nagdesenyo ng mga ito.

Naging crowd favorite sa pagtatanghal sina Miss China, Miss Usa, Miss Russia, Miss Venezuela at ang pambato ng Pilipinas na si Maxene Medina.

Nagpapasalamat naman ang mga manghahabi sa Mindanao na naging bahagi ng event ang kanilang mga produkto.

3 buwan ang ginugugol ng isang manghahabing T’boli bago makabuo ng tinalak cloth na may habang 4 hanggang 8 metro.

Umaasa ang Mindanao weavers na marami pang mga katulad na events ang magaganap sa rihiyon.

Nang sa gayon ay maipakikita ng mga ito ang kanilang mga ipinagmamalaking produkto na inaasahang makatutulong sa pag-unlad ng garments industry sa Mindanao.

(UNTV News)

Tags: Mga damit na gawa sa telang hinabi sa Mindanao, tampok sa pagrampa ng mga Miss Universe candidates