Sa susunod na linggo ay muling magtutungo sa mga polling precinct ang mga botante upang ihalal ang mga napili nilang magiging bagong barangay at Sangguniang Kabataan (SK) officials.
Kaya naman upang makatiyak na mabibilang ang kanilang mga boto ay nagpa-alala ang Commission on Elections (Comelec) sa mga dapat at hindi dapat gawin ng isang botante.
Maaaring ituring na invalid ang isang balota kung may nakitang marka, erasures o anomang bura.
Ito ang isa sa mahigpit na ipinagbabawal ng Comelec na dapat tandaan ng mahigit 78 million na registered barangay at SK voters sa halalan sa Lunes.
Kodigo lamang ang maaaring dalhin ng isang botante dahil bawal sa regulasyon ng komisyon ang sample ballot.
Bawal din ang pagdadala ng alin mang campaign paraphernalia sa loob ng polling precinct gaya ng pamaypay, sumbrero, payong at t-shirt na may picture o pangalan ng kandidato.
Alas siete ng umaga sa Lunes magsisimulang tumanggap ng mga botante ang mga polling precinct sa buong bansa. Pero payo ng Comelec sa mga botante, agahan ang pagpila.
Alamin ng maaga kung saang presinto boboto upang hindi na mahirapan ng paghahanap sa Lunes.
Maagang ipinapaskil sa mga paaralan ang computerized voters list. Magdala ng valid ID sa araw ng botohan sakaling hanapin ito ng board of election teller bago bigyan ng balota.
Nais rin ipaalala ng Comelec na para sa mga botanteng ang edad ay nasa 18 hangggang tatlumpung taong gulang, makakatanggap sila ng dalawang klase ng balota; isa para sa barangay elections at isa para sa SK elections.
Pulang ink ang makikita sa balota para sa SK elections at black ink ang na-imprenta para sa barangay elections.
Lahat naman ng boboto ng nasa edad 15-17 taong gulang, isang official ballot para SK election lamang ang ibibigay; gayundin ang nasa 31 taong gulang pataas, isang official ballot para sa barangay elections lamang ang ibibigay sa botante ng electoral board sa araw ng halalan.
Samanatala, bukas na sa publiko ang hotline numbers ng Comelec para sa mga katanungan, sumbong at reklamo ng mga botante.
May hotline din para sa naghahanap kung saang presinto sila boboto. Nakahanda na rin ang command center ng Comelec para sa 2018 barangay and SK elections.
( Aiko Miguel / UNTV Correspondent )
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
