Mahigit animnapung detainees sa Baguio City Jail ang nakiisa sa isinagawang sayaw kontra-droga sa Baguio City.
Suot ang kanilang dilaw na damit at gwantes sabay-sabay sumayaw sa saliw ng musika ang mga preso.
Layon nito na ipakita ang kanilang suporta sa progrma ng pamahalaan kontra iligal na droga at mabigyang kasiyahan na rin ang mga nasa kulungan.
Ayon kay City Jail Warden Elvies Danglose ng Bureau of Jail Management and Penology Baguio City, ito ay isasagawa na buwan-buwan kasabay ng drug test sa mga detainees.
Tags: Baguio City Jail, detainee, kontra droga
METRO MANILA – Batay sa iniulat ng Interagency Committee On Anti-Illegal Drugs (ICAD) nasa 90% ng mga drug surrenderees ang mga slight user lamang ng illegal drugs . Kaya naman sa pagpupulong ni Vice President Leni Robredo sa core members ng Community Based Drug Rehab Alliance (COBRA), nais nitong paigtingin ang community based rehab bilang isang mahalagang bahagi ng kampanya ng pamahalaan laban sa iligal na droga.
Laman ng pagpupulong ang isang pamamaraan sa pag kontra sa illegal na droga sa pamamagitan ng aspetong medikal o health-based at pang pananampalataya o faith-based approach.Ayon sa Pangalawang Pangulo, suportado rin ng Department of the Interior and Local Government ang naturang hakbang.
Samantala, nakipag pulong rin Kahapon (Nov. 11) ang opisyales ng united nations office on drugs and crime. Ayon kay Chief of Staff ng office of the Vice President Undersecretary Philip Dy, boluntaryong ibinahagi ng unofficial ang mga best practices ng ibang bansa hinggil sa anti-illegal drug campaign lalo ng mga bansa sa Southeast Asia. Nakatakda namang pulungin isa-isa ni Vice President Robredo sa mga member agencies ng ICAD sa mga susunod na araw.
(Vincent Arboleda | UNTV News)
Sa kwento ng mga nakasama ni Genesis “Tisoy” Argoncillo sa loob ng detention cell, paikot-ikot daw ito nang matapak-tapakan ang paa ng mga miyembro ng sputnik gang, dahilan kung bakit siya binugbong ng mga ito.
Si Tisoy ang isa sa mga tambay na hinuli ng Quezon City Police sa Barangay Sauyo, Novaliches Quezon City noong ika-15 ng Hunyo at nasawi noong ika-18 ng Hunyo.
Ayon kay QCPD Director Police Chief Superintendent Joselito Esquivel Jr, hawak na nila ang dalawang suspek na sina Richard Bautista at Justine Mercado na ngayon ay nahaharap sa kasong murder.
Hindi napansin ng mga pulis na nagbabatay sa kulungan ang nangyaring pambubugbog kay Tisoy dahil pilit itong itinago ng mga suspek.
Limang tauhan ng QCPD Station 4 ang ni-relieve sa pwesto dahil sa insidente kabilang ang station commander nito.
Hindi naman kumbinsido sa nagiging takbo ng imbestigasyon ang kaanak ni Tisoy. Naniniwala ang kapatid ng biktima na si Marilou na may naging kapabayaan ang mga pulis.
Nagpahayag naman ang Public Attorney’s Office (PAO) na handa nilang tulungan sa pagsasampa ng kaso ang pamilya ni Tisoy.
Si Quezon City Rep. Kit Belmonte naman, naghain na ng resolusyon sa Kamara para imbestigahan ang pagkamatay ni Tisoy. Sa ngayon ay nakaburol ang labi ni Tisoy sa kanilang bahay.
Samanatala giit ng QCPD, hindi sila titigil sa panghuhuli ng mga tamabay na lumalabag sa mga ordinansa gaya ng pagtambay sa kalsada ng walang suot na pang itaas na damit, pagsipol sa mga kababaihan at pagihi, pag inom at paninigarilyo sa mga pampublilkong lugar.
( Grace Casin / UNTV Correspondent )
Ipinaabot ni Vice President Leni Robredo ang buong pagsuporta kay Pangulong Rodrigo Duterte sa kampanya nito laban sa iligal na droga at krimen.
Ito ay sa gitna ng kaliwa’t kanang batikos sa Duterte administration dahil sa patuloy na pagtaas ng bilang ng mga napapatay kaugnay sa iligal na droga sa iba’t ibang panig ng bansa.
Ayon kay Robredo, nakakabahala na ang mahigit sa isang daang napatay dahil sa iligal na droga sa nakalipas na isang buwan.
Kaya naman hiniling nito sa mga kaukulang ahensya na imbestigahan ang mga pagpatay.
Gayunman naniniwala si Robredo na kung mapatunayang sangkot nga sa operasyon ng iligal na droga ay dapat silang managot sa batas.
Tiwala rin si Robredo sa pangulo na bilang dating abugado at prosecutor ay gagawin nito ang nararapat.
Umaasa rin si Robredo na hindi madadamay ang mga inosente at walang kalaban-laban.
Ayon naman kay Presidential Spokesperson Ernesto Abella kung may iregularidad, maari namang magsampa ng kaso ang sinoman o ang mga kaanak ng mga napatay.
Sinabi pa nito na planong paimbestigahan ni Pangulong Duterte ang mga barangay official na nagpapabaya sa kanilang tungkulin sa pagkalat ng illegal na droga sa kanilang nasasakupaan.
(Grace Casin / UNTV Correspondent)
Tags: kontra droga, Pangulong Duterte, suporta sa kampanya, Vice President Leni Robredo
