Marami ang naperwisyo ng matinding traffic at kagabi sa maraming lugar bunsod ng malakas na buhos ng ulan.
Ngunit mabilis na nagpaliwanag ang PNP-Highway Patrol Group na ang biglaang pagbaha ang pangunahing dahilan kaya naipon ang mga sasakyan sa Edsa.
Sinabi ni PNP HPG Director P/CSupt. Arnold Gunnacao na hinihingina nila sa MMDA ang listahan nang binabahang lugar para sa gagawing pagpa plano ng mga alternatibong ruta.
Ipinahayag din ni Gen. Gunnacao na hanggang ngayon ay wala pa rin ang hinihingi niyang augmentation mula sa MMDA na makakatulong sana nila sa pagsasaayos ng traffic.
Kaya naman ang 10 pulis mula sa mga estasyon na nakasasakop sa lugar na lamang ang tumutulong sa kanila sa pagmamando ng traffic sa Edsa habang wala pa ang MMDA personnel
Pinuri din ng heneral ang kanyang mga tauhan na hindi umalis sa kalsada kahit na malakas ang ulan kagabi at patuloy na nagmamado ng trapiko. ( Lea Ylagan / UNTV News )
Handang tugunan ng PNP Highway Patrol Group ang hiling ng Land Transportation Franchising and Regulatory Board o LTFRB sa pagbabantay sa North Luzon Expressway o NLEX.
Ito’y dahil na rin sa nangyayaring pambabato sa mga provincial buses na dumadaan sa NLEX partikular sa bahagi ng Pangasinan, Nueva Ecija at Cagayan.
Ayon kay PNP-HPG Director P/CSupt. Arnold Gunnacao, kasama sa mandato nila ang public safety kaya’t hindi sila magdadalawang isip na magdeploy ng tauhan sa mga lugar kung saan nangyayari ang batuhan.
Sinabi pa ni Gunnacao na minimum ng 10 tauhan ang itatalaga nila sa bawat lugar na magmumula sa mga Regional office ng HPG.
Hindi naman aniya ito makaaapekto sa regular na trabaho ng HPG.
Base sa datos ng LTFRB noong 2015, mayroong 23 insidente ng pambabato sa mga provincial buses sa Nueva Ecija, 148 sa Pangasinan at 25 sa Cagayan.
Dagdag pa ng heneral, tiyak na nababahala na ang mga pasahero at driver ng mga provincial buses na uuwi sa mga lalawigan sa Norte ngayong mahabang bakasyon kaya naman handa silang tumulong sa pagbabantay.
Sinabi rin ng pamunuan ng HPG na hindi maapektuhan ang operasyon nito sa EDSA ng pagtatalaga ng mga tauhan SA NLEX.
(Lea Ylagan/UNTV NEWS)
Tags: North Luzon Expressway, PNP HPG Director P/CSupt. Arnold Gunnacao
Inatasan na nang pinuno ng Highway Patrol Group ang mga MMDA Constable upang mag-assist sa mga motorista sa mga maaaring daanan matapos na isara ang karamihan sa mga kalsada dahil sa APEC Summit.
Ayon kay PNP HPG Director P/CSupt. Arnold Gunnacao, may mga kopya na ng alternate route ang mga naka duty na MMDA Constable upang madali nilang maituturo ang daan sa mga motoristang nalilito at naliligaw upang maiwasan ang sobrang traffic .
Payo pa ng HPG sa mga commuter, huwag sumiksik sa Edsa at sa halip ay dumaan sa mga alternate route dahil doon din naman dumadaan ang mga pampasaherong sasakyan upang hindi sila maglakad tulad ng nangyari kagabi.
Kasunod ng ipinatutupad na mahigpit na seguridad, sinabi naman ng AFP na simula ngayong araw epektibo na ang no fly zone at no sail zone hanggang huwebes.
Ayon kay AFP Spokesperson Col. Restituto Padilla, mula Luneta radiating 40 nautical miles out ay bawal nang lumipad at maglayag.
Sinabi pa nito na sa labas ng no fly zone ay may air patrol din na siyang nag momonitor sa seguridad habang ang Coastguard, Navy at Maritime naman ang nagpapatrolya sa dagat.
Para naman sa mga may katanungan nagbukas din ng APEC Public Assistance Hotline numbers ang PNP na 09497260082 at 09062163615 para sa publiko.
Sinabi rin ni PNP PIO Chief P/CSupt. Wilben Mayor, asahan pa ang mas mahigpit na pagpapatupad ng seguridad tulad ng stop and go o 30 minutong paghinto ng mga motorista bago dumaan ang convoy ng mga economic head ngayong araw dahil sa pagdating ng halos lahat na ng mga ito para sa APEC ummit.
Humingi din ng paumanhin ang PNP sa publiko sa abala at perwisyong idinidulot ng mga saradong kalsada. (Lea Ylagan/UNTV News)
Tags: MMDA Constable, PNP HPG Director P/CSupt. Arnold Gunnacao, PNP PIO Chief P/CSupt. Wilben Mayor
Handa si PNP HPG Director P/CSupt. Arnold Gunnacao na paluwagin ang Ortigas avenue na syang nakaaapekto ng malaki sa daloy ng mga sa Edsa.
Ayon kay Gunnacao, pinababantayan na rin nya sa kanyang mga tauhan ang kahabaan ng Ortigas avenue sa may bahagi ng Meralco hanggang C5 upang tulungan ang mga tauhan ng mmda sa pagmamando ng traffic.
Sinabi ni Gunnacao na malaki ang epekto sa Edsa ng pagsisikip ng mga sasakyan sa Ortigas avenue kaya’t dapat na maisaayos ito.
Maging ang local na pamahalaan aniya ng San Juan at Mandaluyong ay sumulat na rin sa kanila upang tulungang paalisin ang mga sasakyan na nakaparada sa tapat ng La Salle Greenhills.
Ito’y dahil halos 2 lane na ang okupado ng mga sasakyan na naghahatid at sundo sa mga estudyante ng La Salle.
Ani Gunnacao handa naman silang tumugon bastat may basbas ni Sec. Jose Almendras na syang inatasan ng pangulo na mamuno sa pagsasaayos ng traffic sa Metro Manila.(Lea Ylagan/UNTV Correspondent)
Tags: EDSA, Ortigas avenue, PNP HPG Director P/CSupt. Arnold Gunnacao
