Bumaba sa 2.5 metric tons per square kilometers ang nahuhuling isda sa ilang karagatan ng Eastern Visayas simula ng manalasa ng Bagyong Yolanda noong 2013.
Ayon kay BFAR Regional Director Juan Albaladejo, dati ito ay nasa sustainable o normal level na 4 to 5 metric tons per square kilometers. Ang pangunahing dahilan ng pagbaba ng nahuhuling isda, ang illegal fishing.
Kaya naman tututukan ng BFAR and PNP Joint Task Force Bantay Kadagatan ang mga itinuturing na illegal fishing hot spot sa rehiyon, ang Samar Seas, Leyte Gulf, San Bernardino Straight, at mga karagatan sa Guiuan, Eastern Samar.
Ayon naman sa BFAR 8, karamihan sa mga nahuhuli nila ay mga nangingisda sa mga fish sanctuary o protected areas. Mga gumagamit din ang mga ito ng lambat na maliliit ang butas na mahigpit na ipinagbabawal.
Sa isinagawa umanong simultaneous anti-illegal fishing operation noong ika-16 ng Setyembre 2018, nasa dalawampu’t isa ang kanilang nahuli sa isang araw lamang.
Ngayon taon lamang ay halos isang milyong piso na ang nakokolekta ng BFAR bilang multa sa mga nahuling nangingisda ng iligal.
Nasa dalawampu’t anim na kaso naman ang na-file sa Regional Trial Court at pitumpu’t anim na kaso na ang na-iforward sa BFAR National Adjudication Committee mula 2017.
Kaya naman, nagpa-alala ang mga otoridad sa mga waray-waray na isumbong sa pinakamalapit na himpilan ng pulisya ang malalaman nilang gumagawa ng mga iligal na aktibidad sa karagatan.
( Arhyl Egano / UNTV Correspondent )
Tags: BFAR, critical level, Region 8
METRO MANILA – Inaasahan na bababa na ang presyo ng galunggong sa mga susunod na Linggo matapos i-lift ang 3 buwang closed fishing season sa Palawan.
Paliwanag ng Bureau of Fisheries and Aquatic Resources (BFAR), kinailangan na magpatupad ng closed fishing season para bigyang daan ang muling pagpaparami ng mga isda gaya ng galunggong.
At dahil bukas na muli ang mga fishing ground, inaasahan na darami na ulit ang supply ng galunggong sa mga pamilihan.
Nangangahulugan ito na kapag mas marami na ang supply ay bababa na ang presyo nito.
Dagdag ng BFAR, mayroon silang iba’t ibang programang isinasagawa para mas maging stable pa ang supply ng isda sa mga pamilihan sa bansa.
Kasama dito ang pagpapalawak ng mga marine culture park o mga palaisdaan para sa mas maraming supply isda.
Mayroon ding programa sa mga munisipalidad kung saan binibigyan ng mas malalaking mga bangka ang mga mangingisda para makarami sila ng mahuhuli sa dagat.
Nauna na ring sinabi ng BFAR na may planong mag-angkat ang gobyerno ng nasa 35,000 metric tons ng iba’t ibang klase ng isda dahil sa paghinto ng fishing season.
Tags: BFAR, Galunggong
METRO MANILA – Nasa 35,000 metriko tonelada ng mga isdang dagat ang kailangang angkatin ng Pilipinas para hindi kulangain ang supply sa mga susunod na buwan.
Ayon sa Bureau of Fisheries and Aquatic Resources (BFAR), pagpapatupad ng closed fishing season sa ilang pangisdaan sa bansa.
At sa pamamagitan ng importasyon, maiiwasan din umao na tumaas ng sobra ang presyo ng mga isda sa palengke.
Ayon sa tugon kabuhayan, isang food security advocacy group, nasa 70% ng lokal na produksyon ng isda ang mababawas kapag ipinatupad ang closed fishing season.
Pero kung aangkat ay malaki ang ibababa ng presyo ng galunggong. Mula October 1 hanggang December 31 ay magbibigay ng import clearance ang BFAR.
Kailangan makarating ang lahat ng aangkatin bago sumapit ang January 15 sa susunod na taon.
Sa pagtaya ng BFAR, aabot sa 58 metriko tonelada ng isda ang magiging kakulangan sa huling bahagi ng taon.
(Rey Pelayo | UNTV News)
Tags: BFAR
METRO MANILA – Positibo parin sa red tide ang mga baybayin ng Dauis at Tagbilaran City sa Bohol, Dumanquilas Bay sa Zamboanga Del Sur at Lianga Bay sa Surigao Del Sur.
Ayon sa Bureau of Fisheries and Aquatic Resources (BFAR), bawal paring kainin ang mga shellfish at alamang na mula sa nabanggit na lugar dahil hindi ito ligtas kainin.
Ang mga isda, pusit, hipon at talangka ay maaaring kainin pero dapat ay inalisan ito ng lamang loob gaya ng hasang at bituka. Kailangan ding hugasang mabuti bago iluto.
Samantala, ang mga baybayin naman ng Milagros sa Masbate ay wala nang red tide.
