METRO MANILA – Tuloy ang isinasagawang inspection ng Philippine National Police Supervisory Office for Security and Investigation Agency (PNP SOSIA) sa mga mall sa bansa.
Ayon kay PNP SOSIA Director PBGen. Sydney Villaflor, nais nilang masiguro na nasusunod ang ipinatutupad na safety guidelines ng Inter-agency Task Force.
Sa gitna na rin ng panganib na magkaroon ng Covid-19 holiday surge.
“The SOSIA personnel are regularly conducting red teaming operation , ang definition po ng red team ay maghanap ng fault, maghanap ng mga violations sa IATF guidelines” ani PNP SOSIA Director PBGen. Sydney Villaflor.
Simula noong Dec.5, nasa 55 operasyon na ang isinagawang ng SOSIA sa nasa mahigit 100 malls sa bansa.
691 security guard post ang kanilang napuntahan kung saan 968 na security guard ang sumailalim sa inspection.
Kabilang sa tinitingnan nila sa isang establisyimento ay kung hindi siksikan ang tao. Dapat ay mayroong foot bath o foot disinfectant mats sa mga entrance, dapat ay mayroong alcohol o hand sanitizer, dapat na kinukuha ng guard ang temperature ng mga pumapasok, mayroong physical distancing… nakasuot ng facemask at face shield .
Magkahiwalay ang entrance ay exit ng mall, walang wifi at nasa 26 degree lamang ang temperatura ng aircon upang hindi mahikayat na mag over stay ang isang mamimili.
“Chini-check po namin yung mga security guard, security operators kung religiously iniimplement nila yung nairelay sa kanila na iatf guidelines,l na dapat din ay pina iimplement ng mga mall managers” ani PNP SOSIA Director PBGen. Sydney Villaflor.
Pinaaalalahanan din nila ang mga security guard na maging alerto upang maiwasan ang pananamantala ng mga masasamang loob.
Sakali naman aniyang makitaan ng paglabag sa ano mang guidelines ng IATF ang isang establisyimento, dapat na magpaliwanag ang mall manager at head security sa PNP SOSIA.
(Lea Ylagan | UNTV News)
METRO MANILA – Tiniyak ng Department of Health (DOH) na may pondo ang kagawaran para labanan ang bagong COVID-19 variants.
Taliwas ito sa ulat na wala umano itong nakalaang budget para makabili ng bakuna kung sakaling kailanganin sa bansa kaugnay ng bagong variants na KP.2 at KP.3 dahil may contingency fund ang ahensya.
Samantala, tiniyak naman ng DOH na hindi na mangyayari ang naranasan ng bansa nang manalasa ang COVID-19 pandemic noong 2020 hanggang 2022.
Hindi rin maituturing na mapanganib ang sitwasyon ng COVID-19 sa ngayon sa gitna ng bahagyang pagtaas ng kaso at banta ng bagong variants.
METRO MANILA – Nananatiling kumakalat at dahilan ng pagkamatay ng ilang indibidwal ang COVID-19.
Ayon sa World Health Organization (WHO), noong Disyembre ay nakapagtala ito ng mataas na bilang ng hawaan dahil sa mga pagtitipon noong holiday season, at sa JN.1 variant.
Sa panahong ito, aabot sa 10,000 ang bilang ng mga nasawi at tumaas din ang hospitalization at ICU admissions kumpara noong Nobyembre.
Tiniyak naman ng Department of Health (DOH) na patuloy silang magbabantay at nakaalerto sa banta ng COVID-19.
Ayon sa DOH, sa kasalukuyan ay mababa lamang ang mga kaso ng hawaan at namamatay sa bansa dahil sa virus.
METRO MANILA – Itinanggi ng Department of Health (DOH) ang kumakalat ngayon na pekeng impormasyon na nagsasabing mayroong panibagong COVID-19 wave sa Metro Manila.
Ayon kay Department of Health Asst. Secretary Albert Domingo, pababa na ang bilang ng mga nagpopositibo sa sakit batay sa datos ng ahensya.
Kahit umano sa mga ospital ay wala namang naoobserbahang labis na pagdami ng admissions.
Batay sa record ng DOH, mula December 26, 2023 hanggang January 1, 2024, mayroon lamang 3,147 new cases kung saan ang average number ng mga bagong kaso kada araw ay nasa 449, mababa ng 10% kung ikukumpara noong December 19 to 25, 2023.
At sa bilang na ito, 40 o katumbas lamang ng 1.28% ang nasa kritikal na kondisyon.
Nagbabala din ang kagawaran na magsasampa ng criminal charges sa sinomang sangkot sa pagpapakalat ng fake news kung magtutuluy-tuloy ito.
Ayon sa kagawaran, sa patuloy na pagbaba ng mga kaso, malaking bagay pa rin ang pagsunod at pagpili ng mga Pilipino sa “healthy behavior” gaya na lamang ng pagsusuot ng face mask kung kinakailangan at pananatili sa bahay kung may sakit.
