Katakam-takam ang mga pagkain na inihanda ng labing walong barangay at mga estudyante na lumahok sa kauna unahang Tinungbo Festival sa Pugo, La Union.

Mayroong adobong native na palaka, ginataang igat, native na manok, sariwang isda, malalaking hipon at mga gulay.

Lahat ng putaheng ito at maging ang kanin ay niluto sa pamamagitan ng tinungbo o pagluluto gamit ang sariwang bolo o tubo ng kawayan.

Layunin ng festival na mapanatili ang kaugalian ng mga ninuno na pagluluto sa kawayan.

Sa ngayon ay kakaunti na lamang ang gumagawa ng tinungbo at ginagamit na lamang ito kapag may espesyal na okasyon.

Sa pamamagitan ng festival, umaasa ang lokal na pamahalaan ng Pugo, La Union na lalakas ang turismo sa kanilang lugar.

(Toto Fabros / UNTV Correspondent)

Tags: Mga pagkaing niluto sa kawayan, tampok sa 1st Tinungbo Festival sa La Union