MANILA, Philippines – Kani-kaniyang paghahanda na ang mga bagong halal na senador sa kanilang magiging trabaho sa kongreso.
May kasunduan na rin sina Senator elect Bong Go At Ronald Bato Dela Rosa na sila ang magiging bagong tandem sa pagpasok ng 18th congress.
“Basta kami ni bato magkasama kami, labanan namin ang korpasyon sa gobyerno, labanan namin ang ilegal na droga pati sa death penalty co -author tayong dalawa, walang shortcut ha (oo), talagang death penalty proseso, huwag mong i-shortcut” ani Incoming Senator Christopher ‘Bong’ Go.
Samantala, kahapon (June 25) dumaan na sa briefing sa senado ang apat na neophyte senators.
Pangunahin na tinalakay ang papel ng iba’t ibang opisina sa ilalim ng senado at kung paano ang proseso ng paghahain ng panukalang batas.
Samantala sa July 22 kasabay ng araw ng State of the Nation Address (SONA) ni Pangulong Duterte ang magiging unang araw ng mga bagong halal na mambabatas sa kongreso.
(Nel Maribojoc | Untv News)
