Hindi na kakasuhan at papayagan nang makabiyahe ang pasahero sa mga paliparan kung isang bala lamang ang mahuhuli sa kanyang bagahe.
Ayon sa Manila International Airport Authority, kukumpiskahin na lamang ang bala at may ilang dokumento na kailangang punan at pirmahan bago payagang makasakay sa eroplano ang isang pasahero na nahulihan ng bala.
Dagdag pa ni Ed Monreal, ang bagong General Manager ng MIAA, ito ay bilang solusyon sa isyu ng tanim bala na isa sa mga pinagmumulan ng korapsyon sa airport.
“Ang unang tatanggalin po natin doon ay ang alleged corruption hidni po natin binabalewala batas, kailangan lang pag-ibayuhin po natin ang nararapat sa ating manlalakbay.” Pahayag ni Monreal.
(UNTV RADIO)
PARAÑAQUE, Philippines – Walang dapat ikabahala ang mga pasahero sa Ninoy Aquino International Airport (NAIA) sa kabila ng pahayag ng United States Department of Homeland Security na bagsak ito sa international security standards.
Ayon kay Manila International Airport Authority General Manager Ed Monreal, pinagtutuunan na nila ng pansin ang mga rekomendasyon para mas maayos na operasyon at seguridad ng mga pasahero
Sa obserbasyon ng U.S. Department of Homeland Security, hindi umano napapanatili ng NAIA ang consistency nito pagdating sa pagpapatupad na mahigpit na seguridad sa mga paliparan.
Ayon kay Ambassador to the Philippines Sung Kim, kumpiyansa naman ito sa Department of Transportation (DOT) at iba pang kaugnay na ahensya na matutugunan nito sa pangangailangan na mas mapabuti pa ang aviation security ng paliparan.
$5 milyong pondo ang naaprubahan ng U.S. State Department bilang ayuda sa airport security improvement ng NAIA, kasama na rin dito ang critical training at technical improvement. Kasama sa inirekomenda ng U.S. Transportation Security Administration (TSA) na dapat maisaayos ay ang mga checkpoint, door lock, at alarm system.
Ayon naman kay MIAA General Manager Ed Monreal, wala namang dapat ikabahala ang mga pasahero sa obserbasyon ng US TSA. Lahat naman ng rekomendasyon aniya ay kayang-kayang tugunan. Sa katunayan aniya, ang ilan dito ay una na nilang pinagtutuunan ng pansin.
“More importantly we see this as an opportunity to further pursue our campaign for culture change among our stakeholders and other airport users in NAIA… Standards are there so the global aviation community will have a common reference point, and it is highly important that our aviation security protocols in NAIA meet, if not exceed them.”
Sa susunod na taon, inaasahang makakabili na muli ng mga bagong equipment para sa NAIA upang palitan ang mga depektibo. Magdaragdag din ng mga employedo lalo na ng mga security screening officer.
(JL Asayo | UNTV News)
Tags: Manila International Airport Authority, MIAA General Manager Ed Monreal, NAIA, U.S. State Department
Inabswelto ng Department of Justice ang dalawang tauhan ng Office for Transportation Security o OTS at apat na airport police sa mga reklamong isinampa ng amerikanong si Lane Micheal White kaugnay ng insidente ng tanim bala sa NAIA noong Setyembre ng nakaraang taon.
Dinismiss ng DOJ ang mga reklamong pagtatanim ng ebidensiya laban sa mga tauhan ng ots na sina Maria Elma Cena at Marvin Garcia.
Kumbinsido ang piskal na hindi kay White ang bala ng kalibre bente dos na nakuha sa kanyang bagahe ngunit malinaw aniya sa CCTV footage na hindi sina Garcia at Cena ang naglagay nito kahit pa may paglabag ang dalawa sa standard operating procedure.
Dinismiss din ng DOJ ang mga reklamong robbery extortion, graft at paglabag sa Republic Act 7438 laban sa mga tauhan ng PNP-Aviation Security Group na sina Chief Inspector Adriano Junio Junior, SPO4 Ramon Bernardo, SPO2 Rolando Clarin at SPO2 Romy Navarro.
Ngunit kumbinsido ang piskal sa depensa ni SPO2 Clarin na napagkamalian lamang ni White na pangingikil ang sinasabi niyang thirty-thousand pesos na multa sa pagdadala nito ng bala.
(Roderic Mendoza/UNTV Radio)
Tags: tanim-bala
Kasabay ng pagdagsa ng mga pasahero ngayong long holiday ay ang pagdagsa rin ng mga reklamo ng mga pasahero sa NAIA complex.
Lalo na ngayon araw na inaasahan ang mas malaking bulto ng mga pasahero na dadagsa sa NAIA.
Umaabot ng halos dalawang daan ang delayed flights na naitatala ng Manila International Airport Authority sa Ninoy Aquino International Airport kada araw.
Ito ay mga domestic flight na karamihan ay naka schedule mula alas tres hanggang alas dyes ng umaga.
Ayon sa MIAA, hindi pa lubusang maiiwasan ang mga ganitong problema.
Naglagay ang Civil Aeronautics Board o CAB ng help desk sa NAIA upang mas mabilis na maaksyunan ang reklamo ng mga pasahero.
Dalawampung mga bagong Public Relation Officer o PRO din ang ikinalat sa apat na terminal ng NAIA complex.
Ang mga ito ang makasasagot ng lahat ng mga katanungan ng mga pasahero hinggil sa Passenger Bill of Rights
Ang mga problema gaya ng mga nasirang bagahe o flight delays ay kaya ng ma resolba ng CAB sa ilang oras lamang
Sa mga sitwasyon na hindi nila kayang ma resolba, ibinibigay ito ng CAB sa kanilang legal office upang maaksyunan.
Hinikayat ng CAB ang mga pasahero na alamin ang kanilang mga karapatan sa mga paliparan.
Kapag umabot ng tatlong oras ang delay ng biyahe, may karapatan ang pasahero na humingi na pagkain sa airline company, libreng tawag, text o email kung kinakailangan, rebook o refund ng ticket o di kayay ma endorso sa ibang airline company.
(Mon Jocson/UNTV NEWS)
Tags: Civil Aeronautics Board, Manila International Airport Authority
