METRO MANILA – Umabot sa 5.2% ang unemployment rate o katumbas ng 2.6 million na mga Pilipino ang walang trabaho nitong buwan ng Hulyo 2022 batay sa ulat ng Philippine Statistics Authority (PSA).
Mas mababa ito kaysa 5.7% o 2.76 million na walang trabaho noong Abril, at higit na mas mababa kumpara sa 7.2% unemployment rate noong hulyo ng nakaraang taon.
Isa naman sa dahilan ng pagtaas ng bilang ng may trabaho sa bansa ay ang pagluluwag ng restrictions dahil sa pagbuti ng COVID-19 situation sa bansa.
Ayon kay National Statistician and Civil Registrar General Usec. Dennis Mapa, ang 5.2% na unemployment rate nitong July 2022 ay pinakamababa mula nang magka pandemya.
Ayon kay Press Secretary Trixie Cruz-Angeles, bahagi pa lamang ito ng nakikitang direktang epekto ng economic recovery strategy ni Pangulong Ferdinand Marcos, Jr.
Samantala, sa pagdinig sa 2023 proposed budget ng Department of Labor and Employment (DOLE) sa House of Representatives kahapon (September 8), inihayag ni Secretary Bienvenido Laguesma na tinutukan nila ang pagtulong sa mga nasa business sector upang mapadali ang pagnenegosyo sa bansa na makatutulong naman sa paglikha ng mga trabaho.
Nirerepaso din aniya nila ang mga palatuntunan o department order para matiyak ang kapakanan ng mga manggagawa.
(Dante Amento | UNTV News)
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Nagpaalala ang Department of Labor and Employment (DOLE) ukol sa mga private employers na entitled sa double pay ang mga empleyado na magta-trabaho ngayong araw ng Lunes, June 17, Eid’l Adha.
Nakasaad sa labor advisory number 8 ng ahensya ang computation sa payment of wages at panuntunan para sa regular holiday.
Pirmado ang nasabing abiso ni Labor and Employment Undersecretary Carmela Torres.
Kung hindi papasok sa trabaho, 100% pa rin ng arawang sweldo ang ibibigay ng employer sa empleyado.
At kung on duty pa rin sa regular holiday, 200% ng daily wage ang ibabayad sa empleyado.
Sa bisa ng Proclamation Number 579, idineklara ni Pangulong Ferdinand Marcos Jr. ang June 17 bilang regular holiday bilang paggunita sa Eid’l Adha o Feast of Sacrifice ng mga muslim.
Tags: DOLE, Holiday DOuble Pay
METRO MANILA – Bahagyang bumilis sa 3.9% ang naitalang inflation rate sa bansa para sa buwan ng Mayo ngayong taon.
Ayon sa Philippine Statistics Authority (PSA), bahagyang mas mataas ito kumpara sa 3.8% na naitala noong Abril.
Gayunman ito na ang pinakamabilis na inflation rate na naitala ng PSA ngayong 2024.
Pero mas mababa pa rin ito kung ikukumpara sa 6.1% na record noong may 2023.
Paliwanag ng PSA, ilan sa mga factors na naka-ambag sa pagbilis ng inflation ay ang mabilis na pagtaas ng presyo ng housing, tubig at kuryente.
Gayundin ang presyo ng mga produktong petrolyo at transportasyon.
Sa isang pahayag sinabi naman ng Bangko Sentral ng Pilipinas na ang naitalang inflation rate ay pasok pa rin sa kanilang forecast ranger na 3.7% hanggang 4.5%.
