Mga raliyista sa Peru binomba ng water cannon ng pulis

by Radyo La Verdad | November 6, 2015 (Friday) | 1446

Ilang raliyista sa Lima,Peru(REUTERS)

Sugatan ang ilang raliyista sa Lima, Peru matapos bombahin ng tubig ng mga pulis na nagmamartsa patungo sa Kongreso.

Ipinapanawagan ng daan-daang raliyista na karamihan ay mula sa health care sector na magkaroon ng mas mataas na sahod at mas maayos na labor laws.

Ayon pangulo ng National Health Workers’ Union sa bansa, masyadong naging marahas ang mga otoridad sa mga raliyista.

Una nang inanunsyo ng Peruvian government na babawasan nito ang budget para sa public care sector na ikinagalit naman ng mga manggagawa.