Ligtas na sa red tide ang mga sea shells at ilang laman dagat batay sa isang advisory na ipinalabas ng Bureau of Fisheries and Aquatic Resources.
Ayon sa kalatas, nag negatibo na sa toxic red tide ang lahat ng mga coastal waters na mino-monitor ng BFAR.
Sa ngayon ay walang red tide advisory warning ang BFAR sa anumang shellfish sa bansa.
METRO MANILA – Positibo parin sa red tide ang mga baybayin ng Dauis at Tagbilaran City sa Bohol, Dumanquilas Bay sa Zamboanga Del Sur at Lianga Bay sa Surigao Del Sur.
Ayon sa Bureau of Fisheries and Aquatic Resources (BFAR), bawal paring kainin ang mga shellfish at alamang na mula sa nabanggit na lugar dahil hindi ito ligtas kainin.
Ang mga isda, pusit, hipon at talangka ay maaaring kainin pero dapat ay inalisan ito ng lamang loob gaya ng hasang at bituka. Kailangan ding hugasang mabuti bago iluto.
Samantala, ang mga baybayin naman ng Milagros sa Masbate ay wala nang red tide.
MANILA, Philippines – Pinagbabawal muna ng Bureau Of Fisheries And Aquatic Resources (BFAR) ang pang hango ng mga shellfish sa ilang lugar sa bansa dahil mataas na red tide toxin.
Sa abiso BFAR kasama sa mga lugar na may shelfish ban ay ang Puerto Princesa Bay Sa Palawan, Coastal Waters ng Dauis at Tagbilaran City sa Bohol, Irong-Irong, San Pedro at Silanga Bays sa Western Samar at Cancabato Bay sa Tacloban City, Leyte.
Ayon sa BFAR, ang lahat ng shellfish at alamang na nakukuha sa naturang mga lugar ay hindi ligtas kainin.Maaari namang kainin ang mga nahuhuling isda, pusit, hipon at alimango na nakukuha sa nabanggit na lugar subalit kailangang linisin itong mabuti bago lutuin.
Patuloy ang pagsasagawa ng shellfish sampling ng BFAR sa mga bayan ng Placer at Mandaon sa Masbate. Ito’y upang matukoy kung gaano pa kataas ang toxicity ng mga shellfish sa karagatang sakop nito.
Sa ngayon, umabot na sa 11 bayan ang apektado ng shellfish ban. Hindi naman masabi ng BFAR kung hanggang kailan ito iiral kaya’t patuloy ang pagbibigay ng babala sa mga residente ng mga apektadong lugar na huwag munang kumain ng mga lamang dagat na maaaring pinamugaran ng mga nakalalasong organismo.
Ayon sa BFAR, malaking kontirbusyon sa paglitaw ng mga organismong nagiging sanhi ng red tide ang pagbago-bagong klima kaya dumadalas na ang pagkakaroon nito sa iba’t-ibang bahagi ng karagatan sa bansa.
(Allan Manansala / UNTV Correspondent)
Tags: BFAR, BICOL REGION, red tide
