METRO MANILA – Isasara ng 5 araw ang lahat ng mga sementeryo sa buong bansa mula ngayong araw, October 29 hanggang November 2, alinsunod sa kautusan ng Inter-Agency Task Force for the Management of Emerging Infectious Diseases (IATF).
Layon nito na maiwasan ang kumpulan ng mga tao sa sementeryo na posibleng pagmulan ng hawaan ng COVID-19.
Kahapon (October 28), pagpatak ng alas singko ng hapon, isinara na ang Manila North Cemetery at pinalabas na ang mga bisita sa loob ng sementeryo.
Mayroon pang ibang nakiusap na makapasok ngunit hindi na sila pinagbigyan ng pamunuan ng Manila North Cemetery.
Sa kabila ng paulit-ulit na paalaala, may ilan pa rin magulang ang nagsama ng mga bata.
Pero iniiwan na lamang sila sa holding area na binabantayan ng security force saka binalikan ng kanilang mga magulang o guardian.
May mga nakumpiska pa rin na ipinagbabawal na mga bagay gaya ng alak, sigarilyo, at matutulis na kasangkapan.
Umabot sa mahigit 17,000 ang mga taong dumating kahapon sa Manila North Cemetery bago ito pansamantalang isara
Ayon sa management ng sementeryo, mas mababa ang bilang ng mga bumisita ngayong taon kumpara sa 50,000 na inaasahan nitong darating
Sa manila south cemetery naman, kakaunti na lamang din ang nagpunta kahapon (October 28).
Ayon sa admin staff na si Rene Zaragoza, nasa higit 50,000 lamang ang nagpunta ngayong taon
Higit na mababa kumpara sa dating bilang na umaabot ng 200,000.
Paglilinaw naman ng management ng mga sementeryo, bagamat sarado ang mga ito sa loob ng 5 araw, bukas naman ang mga sementeryo para sa iba pang serbisyo gaya ng libing at cremation ngunit sa limitadong kapasidad lamang.
(JP Nuñez | UNTV News)
MANILA, Philippines – Ngayong araw (November 1) inaasahan ang pagdagsa ng ating mga kababayan sa Manila North Cemetery kaya naman nagdagdag na rin ng pwersa ang Philippine National Police (PNP).
Sa taya ng Manila Disaster Risk Reduction and Management Office (MDRRMO), nasa 800,000 ang nagpunta sa Manila North Cemetery simula kaninang hating gabi.
Ayon naman kay Manila Police District Station 3 Chief of Operations Police Leutenant Noel Villamor , nasa 540 police ang nakadeploy Ngayon at Bukas (Nov. 1-2) sa 54 na hektaryang lawak ng Cementerio Del Norte.
Bukod sa mga unipormeng police ,mayroon ding mga naka sibilyan na nakahalo sa mga tao na nagbabantay. Mayroon namang dalawang K-9 dog na nag iikot. Habang sa November 3 ay skeletal force na lamang sila na mahigit 50 police. Bago mag a-uno ayon kay Direktor Roselle Castañeda nasa 26 ang nakakabit nilang cctv sa sementeryo.
Samamtala simula alas-10 Kagabi (October 31) ay isinara na ang ilang kalsada sa Maynila at tatagal ito hanggang November 3. Batay sa abiso ng manila Police District Traffic Enforcement Unit
Sarado ang Aurora Boulevard mula Dimasalang hangang Rizal Avenue. Sarado rin ang Dimasalang mula Makiling hanggang Blumentritt. Ganoon din ang bahagi p.Guevarra,Blumentritt,Retiro at Leonor Rivera.
Nagtalaga naman ng mga lugar kung saan maaring pumarada ang mga papunta ng Manila North Cemetery. Ito ay sa kahabaan ng Craig Street, Sulu, Simon, Oroquieta, Felix Huertas at Metrica Street. Bawal namang pumarada sa Retiro-Blumentritt and Aurora/Blumentritt to Bonifacio Avenue hanggang Laong-Laan,Dimasalang mula North Cemetery Gate hanggang Makiling Laong-Laan (Bulaklakan)-Don Castillas,Don Quijote at Maria Clara,Carol at Aragon.
(Bernard Dadis | UNTV News)
Tags: Manila North Cemetery, PNP
Naging generally peaceful ang buong magdamag sa Manila South Cemetery ayon sa Philippine National Police (PNP). Pero hindi pa natatapos ang pagbabantay ng PNP dahil magbabantay pa sila hanggang mamayang gabi.
Naging epektibo ang paghihigpit ng PNP sa mga pumapasok sa sementeryo dahil sa walang anomang naitalang insidente ng krimen mula kahapon.
Lahat ng pumapasok ay kailangang dumaan sa inspeksyon ng mga pulis. Kinukumpiska naman ang lahat ng makukuhang ipinagbawal gaya ng matutulis na bagay, flammable materials at iba pa.
Ngayong araw, kakaunti na ang mga taong pumupunta sa sementeryo kumpara kahapon.
Mula kaninang umaga ay umaabot na sa halos labing dalawang libo ang mga taong pumapasok sa loob ng Manila South Cemetery.
Karamihan sa mga ito ay ang mga humahabol o hindi nakapunta kahapon.
( Mon Jocson / UNTV Correspondent )
Tags: Manila South Cemetery, PNP
Walang tigil ang pagdating ng mga bumibisita sa Manila South Cemetery simula kaninang madaling araw.
Sa kasalukuyan ay umabot na sa mahigit isang daang libo ang bilang ng mga bisita, mas madami sa expected crowd estimate ng PNP na 24,000 ngayong unang araw.
Ayon sa station commander ng Manila South Cemetery na si PSupt. Albert Baro, inasahan nila ang mas madaming bulto ng tao mamayang paglubog ng araw kung kailan hindi na mainit ang panahon.
Mahigpit ang seguridad sa main entrance ng sementeryo. May 165 ang kabuoang bilang ng mga pulis na nakabantay.
Nilalagyan ng name tag at contact number ang mga bata upang agad matunton ang kanilang mga magulang sakaling mawalay sa kanila ang mga ito.
Sa kabila ng paulit-ulit na paalala ng PNP at administration ng sementeryo, marami pa rin ang nakumpiskang mga ipinagbabawal na gamit gaya ng kutislyo, cutter, gunting, nailcutter, flammable materials, alak, firearms, maging ang gambling materials gaya ng baraha at gardening tools.
Pasado alas tres kahapon, isang 19 na taong gulang ang nahulihan ng 19 na sachet ng marijuana. Isinilid ito sa isang payong nguni’t nakita ito ng mga PNP personnel ng isa-isahin ang mga dala niyang gamit. Agad itong dinala sa Sta. Ana Police Station at isinailalim na sa inquest proceedings.
May nag-iikot din na 4 hanggang anim na garbage truck upang mangolekta ng mga basura sa loob at labas ng sementeryo.
Pinapayuhan ang ating mga kababayan na huwag silang mag-iwan ng mga basura upang mapanatili ang kalinisan sa sementeryo.
May mga volunteer din na umaasiste sa mga senior citizen na magdadala sa kanila papasok sakay ng wheelchair.
Naka-antabay din 24/7 ang UNTV News and Rescue Team upang magbigay ng pangunang lunas at rumpesponde sa anomang emergency cases.
Nasa 46 na ang natulungan ng rescue team, ilan dito ay mga nahilo, nagpalinis ng kanilang sugat at nagpa-check ng kanilang blood pressure.
( Aiko Miguel / UNTV Correspondent )
