Nasa isang daan at limampung sundalo ang idineploy ng Armed Forces of the Philippines upang maging katuwang ng mga pulis sa pagbabantay sa checkpoints sa Metro Manila.
Nilinaw naman ni National Capital Region Police Office Chief Supt. Oscar Abayalde na hindi kasama ang mga ito sa magsasagawa ng pagsisiyasat sa mga sasakyan.
Ang tanging gagawin lang aniya ng mga sundalo ay tignan kung maayos na naisasagawa ang checkpoint at walang maabusong kapangyarihan.
Tags: mga sundalo, PNP checkpoints
METRO MANILA – Matapos na maianunsyo nitong araw ng Sabado (March 14, 2020) ang napagkasunduan ng Metro Manila Council na pagpapatupad ng curfew hours sa buong Metro Manila, nilinaw ng Malacañang na di pa ito aprubado ni Pangulong Rodrigo Duterte.
Ayon kay Presidential Spokesperson & Chief Presidential Legal Counsel Salvador Panelo, maaaring magpatupad ang mga lokal na pamahalaan ng kani-kaniyang curfew sa kanilang nasasakupan sa pamamagitan ng isang ordinansa hangga’t hindi pa aprubado ng Pangulo ang nationwide curfew.
Sa ngayon ang mga lungsod palang na nagpapatupad ng curfew ay ang; Muntinlupa ; Makati ; Pasig, Taguig, Las Pinas at Caloocan City.
Sa Quezon City naglabas na ng Executive Order si Mayor Joy Belmonte kaugnay sa pagpapatupad nito.
Sa San Juan City naman, sumulat na si Mayor Francis Zamora Sa City Council upang pagusapan ang pagpapatupad ng curfew sa kanilang lungsod.
Samantala umiiral narin ang curfew sa ibang mga probinsya sa Naga City; Legazpi City; Cebu Province at sa Eastern Samar.
(Rosalie Coz | UNTV News)
Umalis na ng Marawi City kanina ang 1st Infantry Batallion ng Philippine Army matapos ang halos limang buwang pamamalagi sa Marawi City upang makipagbakbakan sa mga miyembro ng Maute ISIS terrorist group.
Ang 1st Infantry Batallion ang unang batalyon na naipadala sa Marawi City mula ng sumiklab ang krisis sa lungsod. Isa ang nasawi habang 13 ang nasugatan sa grupo sa panahon ng kanilang pananatili sa syudad.
Naging susi ang naturang army unit sa pagkakaligtas sa 34 na hostage at nakarecover din ng mahigit sa 20 high powered firearms ng mga kalaban.
Tutuloy sa Fort Magsaysay ang naturang army batallion upang sumailalim sa pagsasanay para sa susunod nitong misyon, ang magbigay ng seguridad sa darating na ASEAN Summit sa Nobyembre.
Ayon kay Western Mindanao Command Chief Lt. Gen. Carlito Galvez, simula na ito ng gradwal na pagbabawas nila ng mga sundalo sa Marawi dahil halos tapos na ang krisis sa syudad.
Aniya, sapat na ang iiwan nilang pwersa sa lungsod para tapusin ang paghahabol sa mga kalaban.
Aminado naman ang pinuno ng 1st Infantry Batallion na ang Marawi crisis ang isa sa pinaka challenging na misyon na kanilang napuntahan dahil urban setting ang labanan.
Magkahalong saya at lungkot naman ang naramdaman ng mga sundalong umalis. Masaya dahil makakapiling na nila ang kanilang pamilya, pero malungkot dahil sa mga nagbuwis ng buhay at mga maiiwan pang mga kasama.
Bukod sa 1st Infantry Batallion ng Philippine Army, nakatakda namang umalis bukas ang isang batalyon ng marines sa Marawi City.
( Victor Cosare / UNTV Correspondent )
Tags: Marawi City, mga sundalo, umalis na
Tinataya ng militar na higit tatlong libo pa ang nalalabing pwersa ng rebeldeng New People’s Army ngayon.
Isa ito sa pinakamatatagal na threat groups na umiiral sa bansa.
Kabilang din ito sa matagal nang suliranin ng pamahalaan kung saan bilyong pisong halaga ang ikinalulugi bunga ng mga naantalang development project at income opportunities sa mga probinsyang may impluwensya ng mga rebelde.
Bukod pa ito sa milyon-milyong pisong halagang ginagastos sa digmaan, pagpapagamot ng mga sundalong nasugatan sa labanan at tulong pinansyal sa mga naulilang pamilya ng mga militar na nagbuwis ng buhay upang labanan ang mga panggugulo at hulihin ang mga rebelde.
Sa pagsapit ng ika-47 anibersaryo ng NPA bukas, hindi binabalewala ng militar ang nakagawian nang paglulunsad ng mga pag-atake ng mga rebelde at panununog ng mga ito ng equipment.
Binilinan din ang mga sundalong mag-uuwian sa kani-kanilang tahanan na magdoble-ingat sa posibleng NPA ambush at harassment.
Base sa pinakahuling ulat ng hukbong katihan, noong 2015, dahil sa focused military operations, 595 rebeldeng CPP-NPA ang nahuli, sumuko o nasawi.
Ngayong 2016, isa sa pinagtutuunan ng hukbong Sandatahang Lakas ng Pilipinas ang wakasan ang problema ng insurgency sa buong bansa lalo na sa Silangang Mindanao, Sulu at Basilan.
(Rosalie Coz / UNTV Correspondent)
Tags: ika-47 anibersaryo, mga sundalo, NPA
